بافڵ تاڵەبانی: مووچەخۆران لە دۆخێکی سەختدان
04:06 - 21/07/2025
زەمەن _ هەرێمی
کوردستان
بافڵ تاڵەبانی و ئەندرۆ
بیزلی، کونسوڵی گشتیی بەریتانیا لە هەرێم، کۆبوونەوە و تەوەری سەرەکی
گفتوگۆکەشیان، ڕێککەوتنی نێوان هەرێم و عێراق بوو.
ئەمڕۆ دووشەممە، ٢١ی
تەمووزی ٢٠٢٥، بافل تاڵەبانی، سەرۆکی یەکێتی نیشتیمانیی کوردستان، لە دەباشان پێشوازی
لە ئەندرۆ بیزلی، کونسوڵی گشتیی بەریتانیا لە هەرێمی کوردستان کرد و لێکتێگەیشتنی
نوێی نێوان هەرێمی کوردستان و عێراق تەوەری سەرەکیی گفتوگۆکان بوو و بافڵ تاڵەبانی
وتی، ئێمە بە نوێنەرایەتیی خەڵکی کوردستان چووینە بەغداد و لەگەڵ لایەنە پەیوەندیدارەکان
گفتوگۆمانکرد بۆ گەیشتنە لێکتێگەیشتنێک بۆ ناردنی مووچە، چونکە مووچەخۆران لە دۆخێکی
سەختدان، ئێستاش کە کاتی جێبەجێکردنیەتی هیوادارم هیچ لەمپەرێک دروستنەکرێت، هەروەها
لە زووترین کاتدا هەناردەکردنەوەی نەوت دەستپێبکاتەوە.