ناوتۆماركردن بۆ كارمەندانی سەر سندوقەکانی دەنگدان دەستپێدەكات
08:26 - 02/06/2025
زەمەن پرێس:
کۆمسیۆنی
باڵای هەڵبژاردنەکانی عێراق ڕایدەگەیەنێت، سبەی سێشەممە لینکی داواکاری ئۆنلاین بۆ
دامەزراندنی کارمەندانی سەر سندوقەکانی دەنگدان بڵاودەکرێتەوە.
لە
ڕاگەیەندراوێکدا کۆمسیۆنی باڵای سەربەخۆی هەڵبژاردنەکانی عێراق ڕایگەیاند: لە ئێوارەی
سبەی سێشەممەوە لینکی داواکاری بۆ سەر سندوقەکانی دەنگدان لە ماڵپەڕی کۆمسیۆن
و سەرجەم پلاتفۆرمەکانی سۆشیال میدیا بڵاودەکرێتەوە".
ئاماژەی
بەوەشکردووە، ئەو کەسانەی خواستی پێشكەشكردنیان هەیە چاودێری لاپەڕەكانی كۆمسیۆن
بكەن و دەتوانن دوای ئەكتیڤبوونی لینكەكە ناوی خۆیان تۆمار بكەن.
بڕیارە
مانگی تشرینی دووەمی ئەمساڵ هەڵبژاردن بۆ خولی شەشەمی پەرلەمانى عێراق بەڕێوەبچێت،
لە ئێستاشدا ناوی سەرجەم لیست و کیانە سیاسییەکان تۆمار کراون کە دەیانەوێت لەو
هەڵبژاردنە بەشداری بکەن.