لە سنوورى قەزاى دوکان ئاگرێکى گەورە کەوتووەتەوە
09:43 - 24/05/2025
زەمەن - کوردستانى
ئێوارەى ئەمڕۆ ئاگرێک لە سنووری گوندی تەلان لەسەر رێگای سلێمانی - دوکان کەوتەوە و تیمەکانی بەرگریی شارستانیی سلێمانی سەرقاڵی کۆنتڕۆڵکردنین.
ئارام عەلی وتەبێژی بەرگریی شارستانیی سلێمانی دەڵێت، لە ئێوارەی ئەمڕۆوە ئاگرێک لە سنووری گوندی تەلان لەسەر رێگای سلێمانی - دوکان کەوتووەتەوە و بەهۆیەوە رووبەرێکی فراوان لە پووش و پاوەنی سنوورەکە سووتاوە.
راشیگەیاند، تیمەکانمان هەر زوو گەیشتوونەتە شوێنی رووداوەکە و دەتوانین بڵێین لە ئێستادا لە قۆناغی کۆتایی کۆنتڕۆڵکردنی ئاگرەکەدان.