لەسەر دەستبەسەرداگرتنى دەزگاى چاودێرى مەلا بەختیار یەکێتى بەیاننامەیەکى بڵاوکردەوە
06:43 - 05/09/2024
زەمەن - کوردستانى
ئێوارەى ئەمڕۆ سەرچاوەیەک بە زەمەنى راگەیاند، هێزێکى کۆماندۆى یەکێتى، چوونەتە بیناى دەزگاى چاودێرى مەلا بەختیار و دەستیان بەسەر بیناکەدا گرتووە و چەند کەسێک لەوێبوون دەریان کردوون.
کەمێک لەمەوبەر، دامەزراوەى دارایى یەکێتى نیشتمانیى کوردستان بەیاننامەیەکى لەوبارەیەوە بڵاوکردەوە کە تیایدا هاتووە، بارەگای دامەزراوەی چاودێر کە موڵکی یەکێتییە و سەرجەم پێداویستییەکانی لەلایەن دامەزراوەی داراییەوە دابینکرابوو کە ئێستا لێپرسراوەکەی پەیوەندی بە یەکێتییەوە نەماوە، وەرگیراوەتە و بەکاردەهێنرێت بۆ راپەڕاندی ئەرکە رێکخراوەییەکان و شوێنەکە تەرخاندەکرێت بۆ دامەزراوەیەکی تر کە خزمەت بە بەرژەوەندی گشتی و گەشەپێدانی سلێمانی و خەڵکەکەی بکات.