وهزارهتی بازرگانی: دوو مادەی زیادکراوی بەشەخۆراکی رەمەزان گەیشتە ھەرێم
08:24 - 24/03/2023
زهمهن – ههولێر
بهرپرسێكی وهزارهتی بازرگانی ئاشكرایكرد دوو ماددەی زیادکراوی بەشەخۆراکی
رەمەزان گەیشتە ھەرێمی کوردستان و وەزارەتی بازرگانی چاوەڕوانی گەیشتنی ماددەکانی
دیکەیە بۆ ئەوەی پڕۆسەی دابەشکردنیان دەستپێ بکات.
نەوزاد کامیل بەڕێوەبەری گشتی بازرگانی، لە وەزارەتی بازرگانی ئاشكرایكرد لەئێستادا
دابەشکردنی بەشەخۆراکی ئاسایی مانگی سێ لەلایەن بریکارەکانی خۆراکەوە دەستیپێکردووە.
سەبارەت بەو ماددە خۆراکیانەی بۆ مانگی رەمەزان زیاد کراوە، نەوزاد کامیل
ئاماژەی بۆ ئەوەکرد، لەئێستادا ئارد و مەعکەرۆنی گەیشتووە، بەڵام بۆ ئەوەی ھاووڵاتیان
مافیان نەفەوتێت و چەند جارێک سەردانی بریکارەکان نەکەن، چاوەڕوان دەکەن ماددەکانی
تریش لە بەغدادەوە بگاتە کۆگاکانی بازرگانی ھەرێم و دواتر بەسەر ھاووڵاتیادا دابەشبکرێت.