کوردستان

لیزا كاكەیی و جوان یونس دەستيان لەكاركێشايەوە

12:39 - 08/12/2022 524 جار خوێندراوەتەوە

زەمەن_هەولێر

هەریەكە لە پەرلەمانتاران لیزا كاكەیی و جوان یونس، لە فراكسیۆنی پارتی دەست لە كاری پەرلەمانتاری دەكێشنەوە.


سەرچاوەیەک لە سەرۆکایەتی پەرلەمانی کوردستان بەتایبەت بە «زەمەن»ی راگەیاند کۆتایی مانگی رابردوو هەر سێ پەرلەمانتاری فراکسیۆنی پارتی هێمن هەورامی، لیزا كاكەیی، جوان یونس، دەستلەکارکێشانەوەیان تەسلیمی سەرۆکایەتی پەرلەمان کردوەو سەرۆکی پەرلەمانیش دەستلەکارکێشانەوەکەی پەسەند کردوون.

 

هێمن هەورامی و دوو پەرلەمانتارەكەی پارتی، بەهۆی بوونی پۆستی حزبیەوە دەست لە كاری پەرلەمانتاری دەكێشنەوە، لە كۆنگرەی چواردەی پارتیدا هێمن هەورامی بووە ئەندامی مەكتەبی سیاسی بەپێی بڕیاری كۆنگرەی پارتی نابێت ئەوانەی مەكتەبی سیاسین نابێت لە حكومەت و پەرلەمان پۆستیان هەبێت.

هەروەها لیزا كاكەیی لە كۆنگرەدا بووە ئەندامی كۆمیتەی ناوەندی و دواتریش جوان یونس بۆ هەمان پلە سەرخرا، بەپێی زانیارییەكانی "زەمەن" پارتی دەیەوێت لە جیاتی پەرلەمان، لیزا و جوان لە كاروباری حزبیدا رۆڵ بگێڕن و دەستلەكاركێشانەوەكەیان لەسەر داواكاری حزبەكەیان بووە.

سۆشیال میدیا

ڕۆژنامەی زەمەن