نرخی نه‌وت 10 مانگه به‌م ئاسته دانه‌به‌زیووه
07:53 - 21/11/2022
"زەمەن"
نرخی نەوت لە بازاڕەکانی جیهاندا دابه‌زینێكی به‌رچاوی
به‌خۆوه‌بینی، كه نزیكه‌ی 10 مانگه ئه‌و نرخه نزمه‌ی تۆمار نه‌كردووه.
ئەمڕۆ دووشەممە، نرخی بەرمیلێک نەوتی برێنت بۆ 83
دۆلار و 11 سه‌نت دابه‌زی و هه‌روه‌ها خاوی ئه‌مریكی بوو به 76 دۆلار و 17
سه‌نت، له مانگی یه‌كی ئه‌مساڵه‌وه نه‌وت ئه‌م نرخه نزمه‌ی تۆمار نه‌كردووه.
دابه‌زینی نرخی نه‌وت به‌هۆی دەنگۆی زیادکردنی ئاستی
بەرهەمهێنانی نەوت لە کۆبوونەوەی داهاتووی ئۆپێک پڵەس و زیادبوونی نیگەرانییەکان لەبارەی
خواستی چین لەسەر نەوت.
له 8ی مانگی ئازاری ئه‌مساڵ، نرخی نه‌وت بۆ 130
دۆلار به‌رزبۆوه، ئه‌وه‌ش دوای لێدوانێكی جۆ بایدن، سەرۆکی ئەمریکا كه
رایگەیاند: بوو؛ هەموو هاوردەیەکی نەوت و گاز و وزەی رووسی قەدەغە دەکەن، كه‌نرخی
نه‌وتی به‌رزكرده‌وه‌و ژماره‌ی پێوانه‌یی له 14 ساڵی رابردوو تۆماركرد.
به‌نیسبه‌ت هه‌رێمی كوردستانه‌وه به‌رزبوونه‌وه و
داكشانی نرخی نه‌وتی جیهانی، كاریگه‌ری راسته‌وخۆی له‌سه‌ر ئابوری هه‌رێمی
كوردستان و بارودۆخی فه‌رمانبه‌ران هه‌یه، به‌وپێیه‌ی حكومه‌ت مووچه‌ی فه‌رمانبه‌رانی
له داهاتی ناوخۆو فرۆشی نه‌وت دابینده‌كات، نیوه زیاتریشی داهاتی مانگانه‌ش پشت
به‌ستووه به فرۆشی نه‌وتی رۆژانه.