کوردستان

به‌كارهێنانی تۆڕه‌ كۆمه‌ڵایه‌تییه‌كان له‌ فه‌رمانبه‌ران قه‌ده‌غه‌كرا

03:18 - 02/10/2022 170 جار خوێندراوەتەوە

"زەمەن"


وه‌زاره‌تی گواستنه‌وه‌ و گه‌یاندنی حكومه‌تی هه‌رێم، به‌كارهێنانی تۆڕه‌كۆمه‌ڵایه‌تییه‌كان له‌ كاتی ده‌وامدا له‌ فه‌رمانبه‌ران قه‌ده‌غه‌كرد.

جەمال ئەحمەد، بەڕێوەبەری گشتی پۆستە و گەیاندن لە وەزارەتی گواستنەوە و گەیاندن، ئه‌مڕۆ یه‌كشه‌ممه، رایگەیاند: له‌ چوارچێوه‌ی به‌رنامه‌ی چاكسازی حكومه‌تی هه‌رێمی كوردستان وه‌زاره‌تی گواستنه‌وه‌ و گه‌یاندن بڕیاریدا به‌كارهێنانی تۆڕه‌كۆمه‌ڵایه‌تییه‌كان له‌ ته‌واوی داموده‌زگا حكومییه‌كان رابگرێت.

وتیشی: "ئەم بڕیاره‌ بۆ ئه‌وه‌ دراوه‌، چونكه‌ ئه‌و ئینتەرنێتە پێویستە تەنیا بۆ کاروباری فەرمی بەکاربهێندرێت، بۆ ئەوەی فەرمانبەران لە کاتی دەوامی خۆیاندا سەرقاڵی کاری لاوەکی نەبن و لە خزمەتی هاوڵاتییان بن".

سۆشیال میدیا

ڕۆژنامەی زەمەن