کەلتور

پێناسەیەک بۆ {حیکایەتەکانی ژیان}

09:08 - 01/09/2022 151 جار خوێندراوەتەوە

كلتووری  زه‌مه‌ن

 

 ژیان پڕە لە  بەسەرهات  و ڕووداو  و کارەسات ، بێگومان لە نێو ئەو بەسەرهاتانەدا هەن کە بەهۆی ناوازەیی ،سەرنجڕاکێشی و گرنگیانەوە شایانی ئەوەن خەڵکانی دیکە پێیان ئاشناببن، چونکە ئەو ڕووداو و بەسەرهاتانە لەوجۆرانەن کە تەنها یەک جار ڕوودەدەن و دووبارە نابنەوە ،بۆیە گەرەکە کەسەکە  وەک کامێرامانێکی بەسەلیقە لەهزری خۆیدا ڕووداوەکە ڕەکۆرد  بکات و پاشان لە ڕێگەی یاداشکردنیان لە دووتوێی کتێبدا دوای داڕشتنی لە قاڵبێکی ئەدەبیدا بەخوێنەریان ئاشنابکات..

 

گێڕانەوەی ڕووداو و بەسەرهاتەکان لەشێوەی حیکایەتدا، گەر لەڕووی داڕشتنەوە جوانکاری تێدا نەکرێت و  زمانی ئەدەبی تێدا بەکار نەهێنرێت و سەرنجی خوێنەر ڕانەکێشت ،ئەودەمە دەبێتە گێڕانەوەیەکی وڕشک و  بزاوت و بێ گیان.

 

کتێبی [حیکایەتەکانی  ژیان] ی گۆران هەڵەبجەیی کۆمەڵێک  ڕووداو لەخۆدەگرن کە بەسەرخودی خۆیدا هاتوون ،یان وەک ئامادەبوویەکی نزیکی ڕووداوەکە وجودی هەبووە یاخود لەزاری کەسانی دیکەوە بیستوونی  یا خوێندوونیەتەوە ، بەتایبەت ئەوانەی زۆر زۆر سەرنج ڕاکێش و پڕ فەنتازیا و هەست بزوێنن پاش ئەوەی خۆی ناونیشانی گونجاوی بۆداناون ، سەرجەمیان بەنێوی{ حیکایەتەکانی ژیان} لە دووتوێی ئەم کتێبەدا یاداشت کردون.

وێرای ئەم حیکایەتانە کەژمارەیان {42}حیکایەتە،{10} دانە حیکایەتی دیکەشیان لەتەکدا چاپکراوە بە نێوی {حیکایەتەکانی کرێتا} کە لەسەر هەمان ڕیتم و میتۆدن ،تەنها جیاوازی ئەوەیە کە هەرهەموویان تایبەتن بە دوورگەی [کرێتا] لەیۆنان ،کە لە ئەنجامی سەفەرەکانیدا بۆ ئەو دوورگەیە کۆیکردوونەتەوە.

ئومێدەوارم خوێندنەوەی ئەم حیکایەتانە لەدەست خۆتان نەدەن .

سۆشیال میدیا

ڕۆژنامەی زەمەن