وه‌زیری سامانه سروشتیه‌كان:
600 مێگاوات کارەبا دەنێرین بۆ کەرکوک و موسڵ و دیالە
06:47 - 15/08/2022
"زەمەن"
کەمال محه‌مه‌د
ساڵح وەزیری سامانە سروشتییەکان بە وەکالەت، رایده‌گه‌یه‌نێت 600 مێگاوات کارەبا دەنێرن
بۆ کەرکوک و موسڵ و دیالە.
کەمال محه‌مه‌د
ساڵح، ئه‌مڕۆ دووشه‌ممه پێشوازیی لە شەهرەزاد سعود کونسوڵی گشتیی ئەمەریکا لە هەرێمی
کوردستان کرد.
به‌پێی راگه‌یه‌ندراوێكی
وه‌زاره‌ته‌كه، لە دیدارێکدا باسیان لە پەرەپێدانی سێکتەری نەوت و گاز لە هەرێمی
کوردستان کرد.
کونسوڵی گشتیی ئەمەریکا
هێرشەکانی سەر کێڵگە و دامەزراوەکانی نەوت و گاز ئیدانە کردوه و ئامادەیی وڵاتەکەی بۆ نزیککردنەوی هەردوو حکومەتی هەرێمی کوردستان
و حکومەتی عێراق پیشاندا بۆچارەسەرکردنی کێشەی نەوت و گاز و پاڵپشتیی وڵاتەکەشی بۆ چارەسەرکردنی کێشەکان بەڕێگەی گفتوگۆ دەربڕی.
وەزیری سامانە
سروشتییەکان، سوپاسی حکومەت و گەلی ئەمەریکای کردوه و ڕایگەیاندووه کەرتی نەوت و
گاز لە هەرێمی کوردستان لە خزمەتی گەلی کوردستان و گەلی عێراق دایە و لە رێگەی گازی
بەرهەمهاتوو 600 مێگاوات کارەبا دەنێردرێتە کەرکوک و موسڵ و دیالە.
وتوشیه‌تی: بەشێک
لە نەوتی عێراقیش بە بۆرییەکانی نەوتی کوردستان ڕەوانەی دەرەوە دەکرێت، بۆیە
پاراستنی دامەزراوە نەوتی و گازییەکان ئەرکی هەمووانە.