عیراق

مستەفا کازمی فەرمانێکى بۆ سەرجەم هێزە چەکدارەکان دەرکرد

09:55 - 01/08/2022 1069 جار خوێندراوەتەوە

زەمەن_عێراق


مستەفا کازمی، فەرماندەی هێزە چەکدارەکانی عێراق فەرمانێکی ئاڕاستەی هێزە ئەمنییەکان کرد و داوا دەکات، بەهیچ شێوەیەک چەک لە دژی خۆپیشاندەران بەکارنەهێنن. 


لەوبارەیەوە، سەرۆک وەزیرانی عێراق لە فەرمانێکدا کە ئاڕاستەی هێزە ئەمنییەکانی کردووە، دەڵێت، "بەکارهێنانی چەک و تەقەکردن لە خۆپیشاندەران قەدەغەیە."  

ئاماژەی بەوەشکرد، "پێویستە هێزە ئەمنییەکان فەرماندە و ئەندامەکانیان ئاگادار بکەنەوە کە گۆڕەپانەکانی خۆپیشاندانەکان بپارێزن بەبێ بەکارهێنانی چەک و توندوتیژی."  

مستەفا کازمی داواشی کردووە، هێزە ئەمنییەکان خاڵی پشکنین دابنێن بۆ دەستبەسەرداگرتنی چەکی بێ مۆڵەت." 

سەرۆک وەزیرانی عێراق دەشڵێت، "پێویستە دان بەخۆتاندا بگرن و ئارام بن و مامەڵەیەکی پیشەییانە و مرۆڤدۆستانە بکەن."  

 

سۆشیال میدیا

ڕۆژنامەی زەمەن