کوردستان

هه‌واڵێكی دڵخۆشكه‌ر بۆ مووچه‌خۆران

05:00 - 22/04/2022 1964 جار خوێندراوەتەوە

زه‌مه‌ن_هه‌رێمی كوردستان


وه‌زیری دارایی عێراق رایگه‌یاند، حكومه‌تی فیدڕاڵی له‌ ناردنی شایسته‌ داراییه‌كانی هه‌رێمی كوردستان به‌رده‌وام ده‌بێت.


عه‌لی عه‌للاوی، وه‌زیری دارایی عێراق به‌شداری له‌ كۆبوونه‌وه‌یه‌كی بانك و سندوقی نێوده‌وڵه‌تی له‌ واشنتن له‌ وتارێكدا باسی دۆخی دارایی عێراقی كرد و رایگه‌یاند، حكومه‌تی فیدڕاڵی به‌رده‌وام ده‌بێت له‌سه‌ر پێدانی شایسته‌ داراییه‌كان تا ئه‌وكاته‌ی هه‌ژماری نێوان حكومه‌تی فیدڕاڵی و حكومه‌تی هه‌رێمی كوردستان یه‌كلاده‌كرێنه‌وه‌.

عه‌للاوی راشیگه‌یاند، به‌ هۆی به‌رزبوونه‌وه‌ی نرخی نه‌وت داهاتی عێراق له‌شه‌ش مانگدا بیست و پێنج ملیار دۆلار زیاد ده‌كات.

له‌لایه‌كی دیكه‌وه‌، جوتیار عادل، وتەبێژی حکومەتی هەرێمی کوردستان رایگه‌یاند، دانوستانەکانی هەولێر و بەغدا بەردەوامن و دیوانی چاودێری دارایی هەرێمی کوردستان و عێراق لە کۆبوونەوەکانیان بەردەوامن.

لەبارەی داهات و خەرجییەکانی حکومەتی هەرێمیش جوتیار عادل وتی: هەموو داتاکانمان ئامادەن و لە ماوەیەکی نزیکدا بە بەغدای دەدەین.

سۆشیال میدیا

ڕۆژنامەی زەمەن