سەندیكا: رۆژنامەنوسەكان ئازادكران
01:27 - 25/11/2021
"زەمەن"
لقی سلێمانی سەندیكای رۆژنامەنوسانی كوردستان، رایگەیاند سەرجەم رۆژنامەنوسە دەستگیركراوەكان ئازادكراون.
دەقی رونكردنەوەی سەندیكا:
روونكردنەوەی لقی سلێمانی لەسەر میدیاكارە دەستگیركراوەكان
لەسەرەتای دەستپێكردنی خۆپیشاندانی خوێندكارانی سلێمانی و شارو شارۆچكەكانی ترو پاشان گۆڕینی رێچكەی خۆپیشاندان بەرەو ئاقاری توندو تیژی و سووتاندنی بارەگاو فەرمانگەكان، وەك لە دوو روونكردنەوەی پێشووماندا ئاماژەمان پێدا.. بەڕێز قوباد تاڵەبانی جێگری سەرۆكی ئەنجومەنی وەزیران هاوكارو خەمخۆری هەمیشە لەسەر خەت بوەو ئێستاش پاش دەستگیركردنی ژمارەیەك رۆژنامەنووس و دەستبەسەراگرتنی كەلوپەل و پێداویستەكانیان..
ئەمڕۆ 25/11/2021 بەهەوڵ و هاوكاریەكانی بەڕێزیان سەرجەمیان ئازاد كران..
هەر لێرەوە وەك لقی سلێمانی سەندیكای رۆژنامەنووسانی كوردستان سوپاس و پێزانینی خۆمان ئاڕاستەی بەڕێزیان دەكەین و هیوادارین وەك هەمیشە هاوڕێی دڵسۆزی رۆژنامەنووسان بوە هەوروەها بەردەوام بێت لەگەڵماندا وئێمەش نازناوی دۆست و خەمخۆری رۆژنامەنووسانی لێدەنێین...
كاروان ئەنوەر
سكرتێری لقی سلێمانی
سەندیكای رۆژنامەنووسانی كوردستان
25/11/2021