کوردستان

ئەمەریكا سێیەم دەرزی ڤاكسینی كۆرۆنا بۆ چینێكی دیاریكراو پەسەند دەكات

07:06 - 24/09/2021 56 جار خوێندراوەتەوە

زەمەن-
بەڕێوبەرایەتی خۆراك و دەرمانی ئەمەریكا سێهەم دەرزی ڤاكسینی كۆرۆنای پەسەندكرد بۆ ئەو ئەمەریكییانەی تەمەنیان لە ٦٥ ساڵ سەروترە و بۆ ئەو كەسانەشی كە نەخۆشی درێژخایانیان هەیەو سیستمی بەرگری لەشیان لاوازە.


دەنگی ئەمەریكا بڵاویكردەوە، دەرزی سێهەم لە كاتێكدایە كە ڤاكسینی فایزەر-بایۆنتیك لە دوو دەرزی پێكهاتبوو، بەپێی ئەو بڕیارە كە دوێنێ دەرچووە، ئەو كەسانە دەگرێتەوە كە كارمەندی چاودێری تەندروستی، مامۆستا یان كارمەندی فرۆشگاكان و ئەوانەشی لە پەناگەكان دەژین و بێ ماڵان یان لە زینداندان. 

هەر بەپێی هەواڵەكە، رەنگە ئەم بڕیارە ڕێگەخۆشكەر بێت بۆ دەنگدانی كۆمیتەیەكی نێوەندی كۆنترۆڵكردن و ڕێگەگرتن لە نەخۆشییەكان لە ئەمەریكا بۆ ئەوەی دیاری بكرێت چ توێژێكی ئەمەریكاییەكان شیاو دەبن بۆ وەرگرتنی دەرزی سێهەمی ڤاكسینەكە.

لیژنەیەكی بەڕێوبەرایەتی خۆراك و دەرمانی ئەمەریكا هەفتەی ڕابردوو بە زۆرینەی دەنگ پلانی كۆشكی سپی بۆ پێدانی دەرمانی بەهێز بۆ زۆربەی ئەمریكییەكان ڕەتكردەوە و ئاماژەیان داوە بە كەمی زانیارییەكان لەسەر سەلامەتی دەرزی سێهەم و هەروەها نەبوونی بەڵگەی تەواوەتی لەسەر بەهاكەی.

لیژنەكە دەرزی بەهێزكردنەكە بۆ ئەو كەسانەی كە تەمەنیان ٦٥ ساڵ یان گەورەترە پەسەند كرد و بۆ ئەوانەشی مەترسیان هەیە نەخۆشییەكی سەختیان تووش ببێت، زانایان جەختیان لەوە كردەوە كە پێویستە خەمی سەرەكی وڵاتەكە ئەوە بێت ئەو كەسانە بكوترێن كە هیچ دەرزییەكی ڤاكسینەكەیان وەرنەگرتووە.

سۆشیال میدیا

ڕۆژنامەی زەمەن

Advertisement