کوردستان

واده‌ی دابه‌شكردنی مووچه‌ی سه‌رجه‌م وه‌زاره‌ته‌كان راگه‌یه‌نرا

08:44 - 25/07/2021 3770 جار خوێندراوەتەوە

زه‌مه‌ن_هه‌رێمی كوردستان

 

وته‌بێژی حكومه‌تی هه‌رێم رایگه‌یاند، له‌ ماوه‌ی شه‌ش رۆژدا مووچه‌ی سه‌رجه‌م وه‌زاره‌ته‌كان دابه‌شده‌كرێت.

جوتیار عادل وته‌بێژی حكومه‌تی هه‌رێم به‌ میدیاكانی نزیك له‌ پارتی راگه‌یاند، هەموو پابەندییەکانیان بەرامبەر بەغدا جێبەجێکردووە و پێشبینی دەکەن بەغدا لە ناردنی 200 ملیار دینارەکە بەردەوامبێت.

وتیشی، لە ماوەی شەش رۆژدا مووچەی مانگی حه‌وت تەواوی وەزارەتەکان دابەشدەکرێت و داهاتی سلێمانیش گەڕاوەتەوە بۆ حکومەت.

دابه‌شكردنی مووچه‌ی مانگی حه‌وت به‌ بێ لێبڕین دابه‌شده‌كرێت، ئه‌وه‌ش دوای ئه‌وی ئه‌مڕۆ ئه‌نجومه‌نی باڵای ئابوری هه‌رێمی كوردستان كۆبووه‌وه‌ و بڕیاردرا مووچه‌ به‌ بێ لێبرین دابه‌شبكرێت و مه‌سرور بارزانی سه‌رۆكی حكومه‌تی هه‌رێمیش بڕیاره‌كه‌ی راگه‌یاند.

بڕیاره‌ سبه‌ینێ به‌ وه‌زاره‌تی ته‌ندروستیی، ده‌ست به‌ دابه‌شكردنی مووچه‌ بكرێت و دواتریش خشته‌ی مووچه‌ی سه‌رجه‌م وه‌زاره‌ته‌كان بڵاوبكرێته‌وه‌.


سۆشیال میدیا

ڕۆژنامەی زەمەن

Advertisement