کوردستان

په‌كه‌كه شه‌هیدبوونی فه‌رمانده‌یه‌كی باڵای ره‌تده‌كاته‌وه‌

07:29 - 18/05/2021 153 جار خوێندراوەتەوە

زه‌مه‌ن_هه‌رێمی كوردستان



ناوەندی ڕاگەیاندنی هێزەکانی پاراستنی گەل- هەپەگە ڕایگەیاند: دەوڵەتی تورکیا بەرامبەر گەریلا سەرکەوتنی بەدەست نەهێناوە بۆیەش دەستی بە بڵاوکردنەوەی درۆ کردووە، ده‌ڵێت: ئەو بانگەشانە لەسەر گەریلاکانمان و فەرماندەکانمان دوورن لە ڕاستیەوە.

ئەمڕۆ ناوەندی ڕاگەیاندنی هێزەکانی پاراستنی گەل- هەپەگە، لەسەر ئەو بانگەشانەی توركیا لەسەر گەریلا و فەرماندەکانی بڵاوکردووەتەوە، ڕاگەیەندراوێکی بۆ ڕای گشتی بڵاوکردەوە.

لە ڕاگەیەندراوەکەدا هاتووە: “دەوڵەتی فاشیستی تورک، لە بەرامبەر گەریلاکانی ئازادی کوردستان شتێکی سەر نەخستووە، بۆیە کەوتووەتە درۆکردن، ئەو هەواڵانەی بەمدواییە لەسەر هێزەکانمان و فەرماندەکانمان بڵاودەکاتەوە هیچ ڕاستییەکیان نییە”.

ئه‌مه‌ دوای ئه‌وه‌ دێت، ره‌جه‌ب ته‌یب ئه‌ردۆغان سه‌رۆك كۆماری توركیا و وەزارەتی بەرگریی ئه‌و وڵاته‌ رایانگه‌یاند: نورەددین سۆفی، به‌رپرسی سوریای په‌كه‌كه‌ له‌ بۆردومانێكدا له‌ هه‌رێمی كوردستان كوژراوه‌.

سۆشیال میدیا

ڕۆژنامەی زەمەن

Advertisement