به‌غدا زانیاری له‌باره‌ی فرۆشتنی نه‌وتی هه‌رێم ئاشكرا ده‌كات
01:56 - 15/01/2021
زه‌مه‌ن_عێراق
وەزیرى نەوتى عێراق ئاشكرایده‌كات،
هه‌رێم نه‌وته‌كه‌ی به هه‌رزانتر ده‌فرۆشێت و ئەوەش لە بەرژەوەندى گشتى نییە.
ئیحسان عەبدولجەبار، وەزیرى نەوتى عێراق لە
چاوپێکەونێکیدا رایگەیاند: عێراق داواى کردوە کە بەهۆى ئەو قەیران و کێشانەى لە
ناوخۆى وڵاتەکەیدا هەیە ماوەیەکى زیاتر وەربگرێت بۆ دانەوەى ئەو پێبژاردنەى کە لە
زیادەى بەرهەمهێنانى نەوت هاتوەتە سەریان.
ئاماژه‌ی به‌وه‌شكردووه،عێراق لە ئێستادا پابەندى
رێککەوتنى کەمکردنەوەى بەرهەمهێنانى نەوت دەبێت و بەراورد بە سەرجەم نەوتی
بەرهەمهێنراو لە ئاسیا، نرخی نەوتی عێراقی بەرزترینی سەر ئاستی کیشوەرەکەیە و نرخى
بەرمیلێک نەوتی بەسرە گرانترینە و بە 55 دۆلار دەفرۆشرێت".
ئیحسان عەبدولجەبار لەبارەى نەوتى هەرێمی كوردستان ده‌ڵێت،
هەرێم پابەندى کەمکردنەوەى بەرهەمهێنانى نەوتى عێراق نییە و رۆژانە 430 هەزار
بەرمیل نەوت بەرهەمدەهێنێت و نرخى هەر بەرمیلێک نەوتى هەرێمى کوردستان بە 20 دۆلار
دەفرۆشرێت و ئەوە لە بەرژەوەندى گشتى نییە.