وێنه.. له سنوری سلێمانی نه‌خۆشییه‌كی دیكه بڵاوبوه‌ته‌وه
09:40 - 25/12/2020
4203 جار خوێندراوەتەوە
"زه‌مه‌ن"
پزیشكێك ئاشكرایده‌كات
كه نه‌خۆشی گه‌ڕی له سنوری پارێزگای سلێمانی بڵاوبوه‌ته‌وه و هۆشداری ده‌دات كه ئەم نەخۆشییە زۆر بە خێرایی و
بەئاسانیی بڵاودەبێتەوە.
دکتۆر کۆچەر عمر پسپۆری نەخۆشییەکانی مناڵان و تازەلەدایک بووان رایگه‌یاند،ماوەیەکە
لە دەڤەری پیرەمەگروون و قەزای دووکان و دەڤەری ڕاپەرین و تەنانەت سنوورە نزیکەکەکانی
شاری سلێمانیش تێبینیمان کردووە کە بەشێوەیەکی بەرچاو نەخۆشی گەڕیی (scabies) بڵاوبووەتەوە، کە
دیارترین نیشانەی ئەم نەخۆشییە بریتیە لە خورانێکی بەردەوام و بێزارکەری هەموو
گیان و پەڵەی قاوەیی لەسەر جەستە.
ئاماژه‌ی به‌وه‌شكردووه، ئەم
نەخۆشییە زۆر بە خێرایی و بەئاسانیی بڵاودەبێتەوە، تکایە لە کاتی بوونی خورانی
زۆردا بەزووترین کات سەردانی نەخۆشخانە بکەن.
ئه‌و پزیشكه داوا لە بەڕێوەبەرایەتی گشتی تەندروستی سلێمانی ده‌كات
بەدواداچوونی جددی بکەن لەوبارەیەوە.
