کوردستان

هه‌واڵێكی دڵخۆشكه‌ر.. دوایی (6) مانگ كه‌مترین مردن له‌ سلێمانی تۆماركرا

09:06 - 03/12/2020 789 جار خوێندراوەتەوە

"زه‌مه‌ن"
دوایی شه‌ش مانگ له‌ خراپی دۆخی مردن به‌كۆرۆنا له‌ سنوری پارێزگای سلێمانی، ئه‌مڕۆ كه‌مترین ژماره‌ی مردن له‌ پارێزگاكه‌ تۆماركرا.


وه‌زاره‌تی ته‌ندروستی هه‌رێم نوێترین ئاماری توشبون و مردوانی له‌سنوری چوار پارێزگاكه‌ی هه‌رێم بڵاوكرده‌وه‌. به‌پێی راگه‌یه‌نراوه‌كه‌، ئه‌مڕۆ (9) كه‌س له‌ هه‌رێم مردوون، چواریان له‌ پارێزگای هه‌ولێرو چواریش له‌ پارێزگای سلێمانی و یه‌ك حاڵه‌تیش له‌ دهۆك.

چوار حاڵه‌ته‌كه‌ی پارێزگای سلێمانی، دوانیان له‌ ناو سه‌نته‌ری شاری سلێمانیه‌و یه‌كێكیكیش له‌ گه‌رمیان و ئه‌وه‌ی تریشیان له‌ راپه‌ڕینه‌.

به‌پێی به‌دواداچونی "زه‌مه‌ن" كه‌ چاودێری ئاماری شه‌ش مانگی رابردووی كردووه‌ له‌ رۆژی 12ی حوزه‌یرانی رابردوو 1 حاڵه‌تی گیانله‌ده‌ستدان له‌ سنوری پارێزگای سلێمانی هه‌بووه‌، له‌و رۆژه‌وه‌ تاوه‌ك و دوێنێ 2ی 12، هه‌موو رۆژێك له‌ نێوان 5 بۆ 18 حاڵه‌تی گیانله‌ده‌ستدان به‌ كۆرۆنا له‌ پارێزگای سلێمانی تۆماركراوه‌.

بوونی (4) حاڵه‌تی مردن له‌مڕۆدا، به‌ پێی بۆچونی چاودێرانی ته‌ندروستی به‌ وه‌رچه‌رخان داده‌نرێت له‌ به‌ره‌و باشچونی دۆخی گیانله‌ده‌ستدانی توشبوانی كۆرۆنا له‌ سنوری پارێزگاكه‌، كه‌ تا ئه‌مڕۆ (1557) كه‌س گیانیان له‌ ده‌ستداوه‌و یه‌كه‌مین پارێزگایه‌ له‌ ئاستی عێراق كه‌زۆرترین ژماره‌ی گیانله‌ده‌ستدانی تێدا تۆماركراوه‌.


ڕاگەیاندراوی (٢٤) کاتژمێری تایبەت بە نەخۆشی ڤایرۆسی کۆڕۆنای نوێ   COVID19                         ژمارە (٢٨١)
١. پشکنین: (٤٣٥٦ پشکنینی نوێ)
• (١٥٣٢) هەولێر
• (٦٥٧) سلێمانی
• (٢٠٤٧) دهۆك
• (٢٦) هەڵەبجە
• (٧٨) گەرمیان
• (١٦) ڕاپەڕین

٢. تووشبوو: (٢٤٨ تووشبووی نوێ)
• (٩٧) هەولێر
• (٦٩) سلێمانی
• (٦٥) دهۆك
• (٤) هەڵەبجە
• (١٣) گەرمیان
• (٠) ڕاپەڕین

٣. چاکبوون: (١٧٧ چاکبوون)
• (١٠٧) هەولێر
• (٢٣) سلێمانی
• (٧) دهۆك
• (٩) هەڵەبجە
• (٣١) گەرمیان
• (٠) ڕاپەڕین

٤. مردن: (٩ مردن)
• (٤) هەولێر
• (٢) سلێمانی
• (١) دهۆك
• (٠) هەڵەبجە
• (١) گەرمیان
• (١) ڕاپەڕین
ئاماری گشتی:
کەڕەنتین هاوڵاتی ٢١٨٧١ (٢١٨٧١ دەرچوو)
پشکنین ٨٢٨٦٧٥ (٢٩٢٩٦٢ هەولێر، ١٨٤١٧٥ سلێمانی، ٣٤٤٥٧٩ دهۆك، ٦٩٥٩ هەڵەبجە)
تووشبوون ٩٧٥٨٤ (٣٥١١٩ هەولێر، ٢٨٤٥٠ سلێمانی، ٣٠٩٦٤ دهۆك، ٣٠٥١ هەڵەبجە)
چاکبوون ٦١٢٠٣ (٢١٦١٨ هەولێر، ١٩٥٤٩ سلێمانی، ١٧٢٢٢ دهۆك، ٢٨١٤ هەڵەبجە)
لەژێر چارەسەر ٣٣١٨٦ (١٢٦٣٥ هەولێر، ٧٣٤٤ سلێمانی، ١٣١٠٩ دهۆك، ٩٨ هەڵەبجە)
مردن ٣١٩٥ (٨٦٦ هەولێر، ١٥٥٧ سلێمانی، ٦٣٣ دهۆك، ١٣٩ هەڵەبجە)
بۆ زانیاری زیاتر سەردانی داشبۆردی حکومەتی هەرێمی کوردستان بکەن لەم لینکە (https://gov.krd/coronavirus/dashboard/).
وێڕای دەستخۆشی بۆ پزیشکان و کارمەندانی تەندروستی و هەموو تیمەکانی پزیشکی کە لە ئەرکدان، جەخت دەکەینەوە هاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسك و دەستکێش، وە لەکاتی پێویستدا پەیوەندی بکەن بە هێڵی گەرمی ژمارە (١٢٢).
 وەزارەتی تەندروستی        
حکومەتی هەرێمی کوردستان   
٣ی کانونی یەکەم ٢٠٢٠

سۆشیال میدیا

ڕۆژنامەی زەمەن

  • یەک ڕۆژ
  • یەک هەفتە
  • یەک مانگ
Advertisement