کوردستان

له‌ سلێمانی بایكۆت ده‌ستیپێكرد

11:12 - 29/11/2020 1574 جار خوێندراوەتەوە

"زەمەن"


چه‌ند فه‌رمانگه‌یه‌كی شاری سلێمانی بایكۆتی ده‌وامیان ده‌ستپێكرد.


په‌یامنێری "زه‌مه‌ن" له‌ سلێمانی وتی: فه‌رمانگه‌ی دابه‌شكردنی كاره‌با له‌ شه‌كره‌كه‌ و به‌ڕێوه‌به‌رایه‌تی سندوقی نیشته‌جێكردن ئه‌مڕۆ بایكۆتی ده‌وامیان كرد.

ده‌ستپێكردنی بایكۆت دوای بانگه‌وازی ئەنجومەنى فشار دێت كه‌ دوێنێ شه‌ممه‌ واده‌ی بایكۆتی ته‌واوه‌تی ده‌وامی راگه‌یاند: داوایكرد سه‌رجه‌م فه‌رمانبه‌رانى كوردستان له‌ زاخۆوه‌ تا خانه‌قین له‌ یه‌كشه‌ممه‌وه‌ بایكۆتى ده‌وام بكه‌ن و تا داواكاریه‌كانیان جێبه‌جێنه‌كرێن نه‌گه‌ڕێنه‌وه‌ سه‌ر كاره‌كانیان.

 

ئه‌نجومه‌نی فشار له‌ راگه‌یه‌ندراوه‌كه‌دا باسیله‌وه‌كردووه‌، "كابینه‌ى نۆیه‌م كه‌ به‌ناو كابینه‌ى چاكسازی بوو، له‌سایه‌ی ئه‌م كابینه‌دا ژیان ته‌واو ئه‌سته‌م بووه‌ و مووچه‌ بوو به‌ خه‌ون و لێدزین كرا به‌ ده‌ستكه‌وت و ئازادیده‌كان به‌ته‌واوى به‌رته‌سك كراونه‌وه‌ شاره‌كان كران به‌ سه‌ربازگه‌و په‌ڤله‌مان بوو به‌ باره‌گایه‌كى حزبی به‌فه‌رمانى بنه‌ماڵه‌كان ده‌ڕوات به‌ڕێوه‌".

بایكۆتی ده‌وام به‌هۆی دابه‌شنه‌كردنی موچه‌وه‌یه‌، زیاتر له‌ 45 رۆژ به‌سه‌ر دابه‌شكردنی موچه‌ی مانگی 9 تێپه‌ڕیوه‌، تا ئێستا واده‌ی دابه‌شكردنی موچه‌ی مانگی 10 دیار نیه‌.

سۆشیال میدیا

ڕۆژنامەی زەمەن

Advertisement