پرۆژهی رێگای ئیبراهیم خه‌لیل خه‌ریكه ته‌واو ده‌بێت
09:33 - 22/11/2020
158 جار خوێندراوەتەوە
"زەمەن"
کارکردن لە پڕۆژەی رێگای (ئیبراهيم
خەلیل - ديرەبوون – دووريانى سحێلا) لە سنوری پارێزگای دھۆک، له‌لایه‌ن وه‌زاره‌تی
ئاوه‌دانكردنه‌وه و نیشته‌جێكردنه‌وه بەردەوامە.
پڕۆژەکە پێکھاتووە لە رێگایەکی
دوساید بە درێژی (١٤)کم، کە پێشتر و لەساڵانی رابردودا بەھۆی قەیرانی داراییەوە
راگیرابوو، بەڵام لە رۆژی ٢٠٢٠/١٠/١٢ی ئەمساڵەوە کارکردن تیایدا دەستی
پێکردوەتەوەو لەئێستادا رێژەی ئەنجامدراو زیاتر لە ٩٢٪ی تێپەڕاندوە.
وه‌زاره‌تی ئاوه‌دانكردنه‌وه و نیشته‌جێكردن، یه‌كێكه له وه‌زاره‌ته چالاكه‌كانی ئه‌م كابینه‌یه، بڕی 110
ملیار دینار بۆ 22 پرۆژهی رێگاوبان و نیشته‌جێكردن ته‌رخانكراوه و 40 ملیار
دیناریش بۆ نۆژه‌نكردنه‌وه‌ی چه‌ند پرۆژه‌یه‌ك ته‌رخانكراوه، به‌شێك له پرۆژه‌كان
ته‌واو بوون كاركردنیش له وانی دیكه‌دا به‌رده‌وامه.