دوو وڵات سەربازەکانیان لە عێراق کشاندەوە
06:10 - 25/03/2020
252 جار خوێندراوەتەوە
"زەمەن"
هێزەکانی فەڕەنسا کە لە چوارچێوەی هێزەکانی هاوپەیمانی نێودەوڵەتیی
دژ بە دعش لە عێراق بوون و ژمارەیان ٢٠٠ سەرباز بوو، لەو وڵاتە کشانەوە و چیکیش
بەهەمان شێوە لە خاکی عێراق دەکشێتەوە.
بەپێی سەرۆکایەتی ئەرکانی سوپای فەرەنسا، فەڕەنسا کە ئەندامە
لە هاوپەیمانی نێودەوڵەتیی دژ بە داعش بە رابەرایەتی ئەمریکا، نزیکەی ٢٠٠ سەربازی
لە عێراق جێگیرکردبوو کە ١٦٠یان وەک راهێنەر ئەرکی مەشق و راهێنانیان بە هێزەکانی
سوپای عێراق دەکرد.
ئەم راگەیەنراوی عێراق دوای چەند کاتژمێرێک لە راگەیەنراوی
وەزارەتی بەرگریی چیک دێت کە رایگەیاند بە هۆی هەڕەشەی ئەمنیی و بڵاوبوونەوەی کۆرۆنا،
هێزەکانیان لە عێراق دەکێشنەوە.
ئاژانسی هەواڵی عێراقییە، لە زاری وتەبێژ بەناوی فەرماندەیی
گشتی هێزە چەکدارەکانی عێراق، عەبدولکەریم خەلەف رایگەیاندووە، لەسەر بنەمای رێکەوتن
لەگەڵ حکوومەتی عێراق، هێزەکانی فەڕەنسا خاکی عێراقیان جێهێشتووە.
عەبدولکەریم خەلەف هۆکاری کشانەوەی هێزەکانی فەڕەنسای لە
عێراق روون نەکردووە، بەڵام ئەم هەنگاوە هاوکاتە لەگەڵ هەنگاوی وڵاتانی دیکەی ئەندام
لە هاوپەیمانی نێودەوڵەتیی دژ بە داعش بۆ کشانەوەی هێزەکانیان لە عێراق لە ترسی بڵاوبوونەوەی
ڤایرۆسی کۆرۆنا.