شەڕی ئەمریکا لە ئێران گەورە ترە
5/16/2019 9:32:00 AM
730 جار خوێندراوەتەوە
بەختیار شارەزووری
ئەوەی دەگوزەرێ بۆ ململانێ ی ئێران و ئەمریکا
بەدەر لە شاشەکان لەودیو کەوالیسەوە نهێنی زۆر شاراوەتر بونی هەیە ، ئەویش ئەم پرسیارەیە...
ئایا ئەمریکا تەنها شەڕی ئێران دەکات یان ئەم نمایشانەی ئەمریکا زۆر لە شەڕی ئێران
گەورەترە ...؟
ئەگەر ئێران کارتێک بێت بێ بۆ شەڕی
کارتە گەورەکانی تر ، ئەوا دەکرێت قسە لەسەر شەڕە گەورەکە بکەین ، ئەویش بە بیانوی
ئێرانەوە شەڕی هەیمەنەی ئەمریکا و ڕێککەوتنی لەگەڵ ڕوسیا بەرامبەر بە پاوانکردنی
بازاڕەکان لە لایەن چینەوەیە ، ئەگەر چی دوا جار ئێران مل دەدات بە ڕازی بون بە
چونە ژێر باری مەرجی (١٢) خاڵی ئەمریکا ، ئەمەش دوای ئەوە دەبێت کۆی بنکەی پیتاندنی
یورانیۆم و ئاوی قورس و هایدرۆجینی و بایلۆجی لە ئێراندا نەمێنێت ، سەرەتا ئێران دەیەوێت
بە دو بازنە ئەم شەڕە بکات بازنەی یەکەم بازنەی دوەم ، خۆ ئەگەر ئێران بە ئەختەبوتی
ڕۆژهەڵاتی ناوین دابنێین ئەوا ئەمریکا دەیەوێت قاچەکانی ئەم ئەختەبوتە ببڕێتەوە و
چەکی کۆکوژی لێ دابماڵێ ، بازنەی یەکەم کە ئەو وڵاتانە دەکات کە درواسێ و هاوسنوریەتی
هەر لە پاکستانەوە تا دەگاتە ئەفغانستان و عێراق و تورکیا و ئەرمینیا و ئەزربیجان
و تورکمانستان ئەگەر لەم وڵاتانە هەژمونی هەبێت ئەوا سەرەتای شەر دەیەوێت سەکۆی شەڕ
بگوازێتەوە بۆ بازنەی دوەم ، لەبەر ئەوەی بەدەر لە غاز و نەوت و ئاسن ئەم وڵاتانەی
هاوسنوری بازاڕێکی باشن بۆ ساغکردنەوەی کاڵاکانی ئێران ، بۆیە شەرەکە دەگوازێتەوە
بازنەی دوەم کە یەمەن و فەلەستین و لیبیا و سودان و سوریا و لوبنان دەکات ، و بە
تایبەت لە ناو ئاوەکانی کەنداوی فارسی دەبێت و ئەگەر چەند ڕوبە ڕوبونەوەیەک بێت ئەوا
ئەم شەڕە پشکی شێری شەڕی ئاوی دەبێت ، وە ئەگەر وێنا بکرێت بە شەڕی کەندوا و گەردەلولی
بیابان ئەوا سەرەتا ئێران تەواو لاواز دەکرێت و لە قۆناغی یەکەم ڕەفتاری دەگۆڕن
ترسی ناهێڵن وەک چۆن سەدام لە ١٩٩١ دا لێ ی درا بەڵام ٢٠٠٣ ڕوخێنرا ، بە واتایەکی
تر قەید کردنی ئێرانە لەم قۆناغەدا نەک ڕوخاندنی ، چونکە هیچ بە دیلێکی جێگرەوەی ئێران
لەم چرکەساتەدا وجودی نیە ، دەکرێت شەڕی تەدمیر کردنی چەکی ئێران و بڕینەوەی قاچەکانی
ڕو بدات ، بەڵام لەم قۆناغەدا ڕوخانی ئێران دروست نابێت ، ئەم ململانێ و ئەگەری شەڕانە
تەنها ئێران نیە بەڵکو دۆسیەی ئێران بەکار دەهێنرێت بە شەڕی گەورە تر لە ئێران ، بەم
جۆرە :
1. ئەمریکا و ڕوسیا ڕێککەوتون کە لە بەرامبەر سوریادا
بۆ ڕوسیا ، ڕوسیا گڵۆپی سەوز بۆ ئەمریکا هەڵبکات کە شەڕی ئێران بکات و عێراق وەربگرێت .
2. ڕوسیا و ئەمریکا کۆکن کە هاوسەنگی بگەڕێتەوە بۆ
هەردو هیلالەکە .
3. پشتوانیە بۆ ترامپ بە ڕیککەوتنی لەگەڵ پۆتن بۆ
هەڵبژاردنەکانی ٢٠٢٠
4. ئامانجی سەرەکی بەرگرتنە لە قۆرخکاری بازاڕ و
ئابوری چین کە بە تەواوەتی بوەتە فرۆشیاری سەرەکی و زۆرینەی بازاڕەکانی ئاسایی قۆرخ
کردوە و شەڕی ڕێگای ئاوریشمی .
5. ڕوسیا و ئەمریکا دو دژن لە بەردەم بەرژەوەندییەکی
هاوبەش و ترسێکی هاوبەشدا کە چینە .
6. سفر کردنەوەی ترسی سەر ئیسرائیل .
7. بازاڕ دروستکردن بۆ چەکی کۆن .
8. دادۆشینی مانگاکانی خیلج.
9. یەکێتی ئەوروپا بخاتە ژێر باری هەمان گەردەلولی
بیابان و پاوانی بکات .
بە هەمو دیوەکاندا دوا جار ئێران بایی
ئەوەندە قورسایی ئەمریکا نیە ، کە ئەمریکا خۆی بۆ ئامادە دەکات ، بەڵکو شەڕەکە لەوە
گەورەترە و شەری بلۆکە گەورەکان و هەیمەنەی ئەمریکایە دوا جار ئێران پیاڵە ژەهرەکە نۆش دەکات.