وتار

چیتان لە گۆڕان دەوێ؟

4/1/2020 10:58:00 AM 311 جار خوێندراوەتەوە
بەختیار شارەزووری

چیتان لە گۆڕان دەوێ ، دەتانەوێ شاردنەوەی داهاتی چەندین ساڵەتان بخەنە ئەستۆی گۆڕان ، دەتانەوێ شکست و خواریەکانتان بە گۆڕان ڕاستبکەنەوە ، دەتانەوێ بێ سیستەمی نەبونی پلانی درێژخایەن لە داهاتی ئەم وڵاتە بخەنە ئەستۆی گۆڕان ، دەتانەوێ بە سیناریۆی جیاجیا بە سایت و پەیجی ساختە ، بە ساختەکردن لە هەڵبژادنەکاندا ، کە هەموی بە پارەی دزی لە داهات بەڕێوە دەچێ بخەنە ئەستۆی گۆڕان ، دەتانەوێ بە هێرشکردنە سەر گۆڕان خەڵک پارەی کەسیی دزراوی نێو بانکەکانی وڵاتان لە بیر نەبێ ، چیتان لە گۆڕان دەوێ بە نایاسایی لە هەرسێ دەستەڵاتەکەدا بە خیانەتەکانتان ، بە بۆری و تەنکەری نەوت و پارەی بێ گومرکی سنورەکان خەڵک فریو بدەن و بە پارەی خۆیان دژی گۆڕان ئاراستەیان بکەن.

 خۆ ئێوە وتان دوای ڕابەری (ئێمە و ئێوەش) کاک نەوشیروان ودابەزینی دەنگەکانمان گۆڕان هیچ نابێ ، ئەی خێرە هەمو شکستەکانتان دەخەنە ئەستۆی گۆڕان ، ئێمە خۆمان دەزانین کوێمان ئێشێ و دەشزانین چی دەکەین و دەشزانین لە هەنێ شوێن فاوڵمان کردوە و کەوتوینەتە بەردەم سزا و ڕەخنەی هەوادار و دنگدەر و کادری خۆمان ، ئاخر ئێمە مەدرەسەیەک یان کارگەیەک نەبوین و نین بۆ بەرهەمهێنانی جۆە کوالێتیەک لە کادر هەرچی بڵێین ئەوانیش بڵێن بە ڕیشی مەردانەت قەسەم ، بەڵێ گۆڕان بە هەمو جۆرەکانیەوە کادری نەوعی دروست کردوە و بە فاوڵمان دەڵێن ستۆپ ، خێرە ئێوە بەو هەمو ناشیرینیەی خۆتانەوە دەتانەوێ دەموچاوتان بە ئاوی گۆڕان پاک بکەنەوە .

 ئێ خۆتان دەزانن سەرکردەکانی گۆڕان لە شاخ زیاتریان نەکردبێ کەمتریان نەکردوە لە ساتە سەختەکان و ڕاپەڕیندا هەموتان لە پشتی ڕێکخەرەکەیەوە بون نمەک بتان گرێ ، ئەوە گۆڕانە کار لەسەر شەرعیەتی شۆڕشگێڕی ناکات ، ئەگینا بێتە سەر بەراورد ئێوە هەندێکی کەمتان نەبێ هەموی لەبەرامبەر شەرعیەتی شۆڕشگێڕی سەرکردەکانی گۆڕاندا باڵۆنێکی پڕ هەوان ، ئەوە گۆڕان و ڕێکخەرەکەی بو لە ئێستادا دەژیان دەیانەوێ شەرعیەتی شۆڕشگێڕی نەبێتە مارکێتێک بۆ دزی ، بە ئێستاشەوە لە بەرامبەر گۆچانی ڕێکخەرەکەیدا دەبێ ڕێز بنوێنن و سەردانەوێنن و سەرکردەکانتان باش ئەو ڕاستیە دەزانن .

چیتان لە گۆڕان دەوێ ، ئێ گۆڕان ستراتیژی وایە دەیەوێ سیستەم هەبێ ماڵی کوردی و ئێوە فێر بکا چی بکەین ( ئەگەرچی بێ کەم و کوڕی نەبوە و هەوادارەکانمان خویان پێش ئێوە سزایان داوین ) گۆڕان بەشداری ئەم کابینەی کرد ، ئێ خۆ کوفرمان نەکرد سیاسەت و حیزب لە ڕێی دەستەڵاتەوە کار لەسەر جێبەجێ کردنی ستراتیژی خۆی دەکات ، وتمان بەشدار دەبین و خۆتان وتان چاکسازی دەکەین و هەر خۆتان دەڵێن هەڵەمان کردوە هاوکارمان بن تا چاکی بکەین ، ئێستەش خۆتان هەمو داهاتە شاراوەکان لای خۆتانە ، خێرە بە هەزار ئاراستە گۆڕان تاوانبار دەکەن ، دەی فەرمو لە دژی یەک گەورەترین بارگرانی و هەڵئاوسانی فەرمانبەرتان دروست کرد و حکومەتان کردە دەوارێک بۆ شاردنەوەی دزی لە داهات ، دەی فەرمون ئێستە چی دەکەن .


 چیتان لە گۆڕان دەوێ دەتانەوێ وەک حەلاج بیسوتێنن و خۆتان بە هەق بزانن ، دڵخۆش مەبن بەڕەخنەی کادرەکانمان ، ئێمە کادری زیندومان هەیە ، بەرامبەر ئێمە ڕەخنە بگرن پڕن لە توڕەیی ئەستور بەرامبەر ئێوە ، چیتان لە گۆڕان دەوێ ببینە پەردە بۆ شکستی چەند ساڵەتان ، ببینە جامی تاریک بۆ ڕوی دزێوتان ، ئێ خۆتان وتان وەرن ئێوە ڕاست دەکەن و با هەمومان چاکسازی بکەین ، خێرە بانێک و سەدان هەواتان هەیە ، چیتان لە گۆڕان دەوێ.

سۆشیال میدیا

ڕۆژنامەی زەمەن

Advertisement