وەزارەتی تەندروستی نرخی ئەم نەشتەرگەریەی لە سێ ملیۆنەوە کرد بە شەش ملیۆن
01:19 - 14/12/2025
زەمەن_هەرێمی کوردستان
وەزارەتی تەندروستی بە نووسراوی فەرمی داوای کردووە نرخی "کردنەوەی دڵ" لە سێ ملیۆن و ٢٥٠ هەزار دینارەوە بۆ شەش ملیۆن دینار زیاد بکرێت، هەروەها نرخی شەبەکە، باڵۆن و ئامێری ڕێکخەری دڵ دوو هێندە زیاد بکرێن.
ئەمڕۆ یەکشەممە، ١٤ی کانوونی یەکەمی ٢٠٢٥، وەزارەتی تەندروستی حکومەتی هەرێم، بە نوسراوی فەرمی داوای کردووە نرخی "کردنەوەی دڵ" لە سێ ملیۆن و ٢٥٠ هەزار دینارەوە بۆ شەش ملیۆن دینار زیاد بکرێت، هەروەها نرخی شەبەکە، باڵۆن و ئامێری ڕێکخەری دڵ دوو هێندە زیاد بکرێن، بەهۆکاری ئەوەی، تێچووی خەرجی سەنتەرەکان زۆرە.
هاوکات، بەڕێوەبەرایەتیی گشتیی تەندروستیی سلێمانی، ئەم بڕیارە بە بارگرانی بۆ هاوڵاتیان دەزانێت و پێشنیازی کردووە سەنتەری دڵی ئێستا بۆ خەڵکی هەژار بە نرخە کۆنەکە بمێنێتەوە، لە بەرامبەردا نەخۆشخانەی "عەلی والی بەگ" لە سەرچنار بکرێتە سەنتەری دووەمی دڵ و نرخە نوێیەکانی وەزارەتی تێدا جێبەجێ بکرێت.
هەروەها، وەزیری تەندروستی وتویەتی: تاوتوێی پێشنیازەکەی سلێمانی دەکەن بۆ کردنەوەی سەنتەری دووەم.