بۆ تاوتوێکردنی مووچەی مانگەكانی 6 و 7 ئەمڕۆ ئەنجومەنی وەزیران كۆدەبێتەوە
10:30 - 30/07/2025
زەمەن - هەولێر
ئەمڕۆ چوارشەممە
30ـی تەمموزی 2025، ئەنجومەنی وەزیرانی هەرێمی کوردستان کۆدەبێتەوە و تێێدا سێ بڕگە
گفتوگۆی لەبارەوە دەکرێت.
بڕگەی یەکەم، تایبەتە
بە بەدواداچوون بۆ دوا هەنگاوەکانی مووچەی مانگی 6 و 7ـی فەرمانبەرانی هەرێمی کوردستان.
لە بڕگەی دووەمدا،
تاوتوێی دەستپێکردنەوەی هەناردەی نەوتی هەرێمی کوردستان دەکرێت، لە ژێر ڕۆشنایی ڕێککەوتنی
هاوبەشی نێوان حکومەتی هەرێمی کوردستان و حکومەتی عێراق، هەروەها کەمال محەممەد، وەزیری
سامانە سروشتییەکان (بە وەکالەت) راپۆرتی وەزارەتەکەی سەبارەت بە بەرهەمهێنانی نەوت
و هەنگاوەکان بۆ هەناردەکردنەوەی دەخاتەڕوو.
بڕگەی سێیەم و کۆتایی
کۆبوونەوەکە، تایبەت کراوە بە خستنەڕووی چەند پێشنیازێکی وەزارەتی پێشمەرگە سەبارەت
بە خزمەت و خانەنشینی هێزەکانی پێشمەرگە، مووچە و شایستە داراییەکانیان.