داوا لە فەرمانبەران دەکرێت لە ماوەی سێ ڕۆژدا فۆرمی زەوی پڕبکەنەوە
02:41 - 15/06/2025
زەمەن _ گەرمیان
تەندروستی گشتی گەرمیان داوا لە فەرمانبەران دەکات لە ماوەی سێ ڕۆژدا فۆرمی وەرگرتنی زەوی پڕ بکەنەوە.
ئەمڕۆ یەکشەممە، ١٥ی حوزەیرانی ٢٠٢٥، بەڕێوبەرایەتی گشتی تەندروستی گەرمیان ڕایگەیاند: ئاگاداری ئەو فەرمانبەرانەی دەکەنەوە کە تائێستا فۆرمی وەرگرتنی زەوییان پڕنەکردووەتەوە و ڕادەستیان نەکردووە، لەماوەی سێ رۆژدا فۆرمەکە پڕبکەنەوە و بیگەڕێننەوە بۆ دیوانی بەڕێوبەرایەتی گشتی تەندروستی گەرمیان.
ئەوەشی خستەڕوو کە هەر فەرمانبەرێک پابەند نەبێت بەو وادەیەی دیاریکراوە، خۆی بەرپرس دەبێت.