شیوازی ژیان

فراكسیۆنی گۆڕان داواده‌كات رۆژێك تایبه‌تبكرێت به‌ماته‌می گشتی له‌سه‌رتاسه‌ری هه‌رێم

01:15 - 18/11/2022 71 جار خوێندراوەتەوە

زه‌مه‌ن - سلێمانی

فراكسیۆنی بزوتنه‌وه‌ی گۆڕان په‌یامێكی هاوخه‌می بڵاوكرده‌وه‌و داواده‌كات رۆژێک تایبەت بکرێت بە گێڕانی ماتەمی  گشتی لە سەر ئاستی هەرێمی كوردستان.

 

 راگه‌یه‌نراوه‌كه‌ی فراكسیۆنی گۆڕان بە ئەرکی  پەرلەمانی ده‌زانێت كه‌ " لیژنەی تایبەتمەند راسپێرێت کە بە دواداچون ئەنجام بدات لە هۆکارەکانی ئەو کارەساتە و لەگەڵ وەزارەتە تایبەتمەندەکان کاربکات بۆ رێگرتن لە دوبارە بونەوەی ڕوداوی هاوشێوەو دڵتەزێن و لایەنە پەیوەندیدارەکان بانگهێشتی پەرلەمان بکات".

ده‌قی راگه‌یه‌نراوه‌كه‌:
پرسەنامەی فراکسیۆنی گۆڕان لە پەرلەمانی کوردستان

دوێنێ ئێوارە ڕوداوێکی کارەساتبار  و جەرگبڕ  بە هۆی  چاککردن و دەستکاری کردنی سیستمی غاز لە گەڕەکیکی  شاری سلێمانی  روویدا ، بە هۆیەوە  ژمارەیەک هاووڵاتی بوونە قوربانی کە ئەندامانی بەڕێزی خێزانێکی دیاری  کۆمەڵایەتی بوون  ، ئێمە لە فراکسیۆنی گۆڕان خۆمان بە هاوبەشی ئەو خەمە دەزانین و دڵمان لەگەڵ ئازارەکان و خەمی کوردستان و شاری سلێمانی دایە  ، داواکارین خوای گەورە لە کۆچکردوان خۆشبێت و شیفای بریندارەکان بدات .
بە ئەرکی  پەرلەمانی دەزانین  کە لیژنەی تایبەتمەند راسپێرێت کە بە دواداچون ئەنجام بدات لە هۆکارەکانی ئەو کارەساتە و لەگەڵ وەزارەتە تایبەتمەندەکان کاربکات بۆ رێگرتن لە دوبارە بونەوەی ڕوداوی هاوشێوەو دڵتەزێن و لایەنە پەیوەندیدارەکان بانگهێشتی پەرلەمان بکات ،  هەروەها رۆژێک تایبەت بکرێت بە گێڕانی ماتەمی  گشتی لە سەر ئاستی هەرێم .

       فراکسیۆنی گۆڕان
          ١٨/١١/٢٠٢٢

سۆشیال میدیا

ڕۆژنامەی زەمەن