جیهان

كه‌شوهه‌وایه‌كی سارد و وشك روومان تێده‌كات

01:45 - 23/09/2022 190 جار خوێندراوەتەوە


زه‌مه‌ن – هه‌رێمی كوردستان

له‌سه‌ره‌تای هه‌فته‌ی داهاتووه‌وه‌ بارسته‌ هه‌وایه‌كى وشك و سارد له‌ توركیاوه‌ به‌ره‌و هه‌رێمى كوردستان دێت، پله‌ى گه‌رما به‌ شێوه‌یه‌كى به‌رچاو داده‌به‌زێنێت.

ئه‌مڕۆ هه‌ینی بەڕێوەبەرایەتی گشتی کەشناسی و بومەلەرزەزانی هەرێمی کوردستان بڵاویکردەوە، پلەکانی گەرما بەراورد بە دوێنێ یەک بۆ دوو پلە دابەزین بەخۆیانەوە دەبینن .
بەرزترین پلەکانی گەرمای پێشبینیکراو بە پلەی سیلیزی بۆ ئه‌مڕۆ هه‌ینی :
هەولێر : ٣٣ پلەى سیلیزى، سلێمانی: ٣١ پلەى سیلیزى، دهۆک:٣٢ پلەى سیلیزى، کەرکوک :٣٦ پلەى سیلیزى، هەڵەبجە :٣٤ پلەى سیلیزى، گەرمیان : ٣٧ پلەى سیلیزى

له‌لایه‌كی تره‌وه‌ ئاراس جه‌بار، شاره‌زای بوارى كه‌شناسى، هۆشدارییه‌كى له‌باره‌ى كه‌شوهه‌واوه‌ بڵاو كردووه‌ته‌وه‌ و ده‌ڵێت: "لە کاتەکانی ئەمشەو بە دواوە، لە ئەنجامی ھاتنی بارستەھەوایەکی وشک و سارد له‌ تورکیاوە، کاریگەریی ئەم شێ و نزمە پاڵەپەستۆی لە ماوەی دوو ڕۆژی ڕابردوودا کاریگەری هه‌بوو، لەسەر کەشی ناوچەکانمان نامێنێت".

ئاماژه‌ی به‌وه‌ش كردووه‌، بە کەمبوونەوەی شێ و بەرزبوونەوەی پەستان لە ناوچەکەدا، کاریگەری گەرما زیاتر کەم ده‌بێتەوە و ئەمشەو کەشێکی سارد ناوچەکە دەگرێتەوە، لە ناوچە شاخاوییەکان پێویست بە بەکارھێنانی ئامێرە گەرمکەرەوەکان دەکات.

وتیشی: سبه‌ى شه‌ممه‌، پلەی گەرما بە ڕێژەی یه‌ك پلە نزمتر دەبێتەوە، به‌ڵام دووسبەی کاریگەریی ئەم بارستەھەوایە زیاتر دەبێت و پلەی گەرما نزمبوونەوەیەکی زیاتر بەخۆیەوە دەبینێت، لە شەواندا کەش زیاتر سارد دەبێت، "کە بەھۆی جیاوازیی زۆری پلەی گەرمیی شەو و ڕۆژەوە، ئەم ماوەیە ئەگەری بڵاوبوونەوەی پەتای وەرزی لە ئارادا ھەیە و خۆتان بپارێزن".

هه‌روه‌ها بەڕێوەبەرایەتی گشتی کەشناسی و بومەلەرزەزانی هەرێم ئاماژەی بەوەشکردووە، ئەمڕۆ ئاسمان نیمچە هەورە دەبێت و دواتریش دەبێتە ساماڵ و پەڵە هەور.

هاوکات، خێرای با، مامناوەند دەبێت و لە نێوان ١٠ بۆ ١٥ کیلۆمەتردا دەبێت لە هەر کاتژمێرێکدا.

سۆشیال میدیا

ڕۆژنامەی زەمەن