کوردستان

دووشه‌ممه‌ ده‌وام نیه‌

02:28 - 06/08/2022 283 جار خوێندراوەتەوە

"زەمەن"


فەرمانگەی میدیا و زانیاری حكومه‌تی هه‌رێم رایگه‌یاند: دووشه‌ممه‌ به‌بۆنه‌ی 10ی موحه‌ڕه‌مه‌وه‌ پشووی فه‌رمییه‌.

فەرمانگەی میدیا و زانیاری له‌ راگه‌یه‌ندراوێكدا، ئاماژه‌ی به‌وه‌كردووه‌ رۆژی دووشەممه‌  ٨ی ئابی ٢٠٢٢ کە دەکاتە رۆژی ١٠ی موحەڕڕەمی ١٤٤٤ی کۆچی، لە تەواوی دامودەزگا فەرمییەکانی ھەرێمی کوردستان پشووی فەرمییە و رۆژی سێشەممە ٩ی ئابی ٢٠٢٢ لە ھەموو دامودەزگاکان دەوامی فەرمی دەبێت.

عاشورا كه‌ ده‌كه‌وێته‌ ده‌یه‌مین رۆژی مانگی موحه‌ڕه‌م له‌ ساڵی كۆچیدا و له‌و رۆژه‌دا ئیمامی حوسێن و ٧٢ كه‌س لە یارانی له‌ شاری كه‌ربه‌لا شه‌هید كران و شیعه‌ مه‌زهه‌به‌كان له‌و رۆژه‌دا شیوه‌ن ده‌گێڕن.

جگه‌ لای شیعه‌كان، لای سوننه‌ مه‌زهه‌به‌كانیش عاشورا تایبه‌تمه‌ندی خۆی هه‌یه‌ و پێغەمبەرى ئیسلام فه‌رموویه‌تی  (باشترین ڕۆژوو لەدواى مانگى ڕمەزان مانگى موحەڕەمە) هه‌روه‌ها به‌پێی گێڕانه‌وه‌ مێژووییه‌كان سه‌ركه‌وتنی موسا پێغه‌مبه‌ر به‌سه‌ر فیرعه‌وندا له‌ رۆژی 10ی موحه‌ڕه‌مدا بووه‌.

سۆشیال میدیا

ڕۆژنامەی زەمەن