دوای لابردنی پەردە لەسەر پەیکەرێکی قاسم سلێمانی لە ئێران، پەیکەرەکە سوتێنرا
07:24 - 07/01/2022
618 جار خوێندراوەتەوە
زه‌مه‌ن_ئێران
میدیاکانی دەوڵەتی ئێرانی ڕایگەیاند بە چەند کاتژمێرێک
دوای ئەوەی پەردە لەسەر پەیکەرێکی قاسم سولێمانی لادرا کە بە مەبەستی ڕێزلێنان لە
فەرماندەی کوژراو دانرابوو، پەیکەرەکە لەلایەن کەسانی نەناسراوەوە لە باشوری ڕۆژئاوای
ئێران ئاگری تێبەردراوە.
قاسم سلێمانی فەرماندەی هێزی قودسی سەر بە سوپای
پاسدارانی ئێران، لە سێی مانگی یەکی ساڵی 2020 لە هێرشێکی فرۆکەی بیفرۆکەوانی ئەمەریکا
لە بەغدای پایتەختی عێراق لەگەڵ ئەبومەهدی ئەلموهەندیسی جێگری فەرماندەی هێزەکانی
حەشدی شەعبی سەر بە ئێران کوژرا.
محەمەد عەلی کە مەلایەکی ناوداری ئێرانیە لە ڕاگەیەندراوێکدا
لە ڕێگەی ئاژانسی هەواڵی ئێرنای حکومەتی ئێرانەوە دەڵێت" ئەم کارە تاوانێکی خیانەتکرانەیە
لە تاریکدا ئەنجامدراوە."
هەروەها وتیشی سوتاندنی پەیکەرەکەی قاسم سولێمانی ڕەفتارێکە
تەواو هاوشێوەی ئەو تاوانەیە کە بە شەو لە فرۆکەخانەی بەغدا ئەنجامدرا.
سەرچاوە: دەنگی ئەمەریکا