دابەشكردنی ئاوی خواردنەوە لە سلێمانی راگیرا
10:34 - 21/11/2021
"زەمەن"
بەڕێوەبەرایەتی ئاوی سلێمانی رایگەیاند: دابەشكردنی ئاو لە زۆربەی گەڕەكەكانی سلێمانی و ژمارەیەك قەزا و ناحیە دابەشكردنی ئاو دەوەستێت.
بەڕێوەبەرایەتی ئاوی سلێمانی رایگەیاند: بەهۆی بڕانی کارەبای لەناکاو لە هێڵی دووی ئاوی دوکان سلێمانی بوەهۆی شکانی بۆری پڕۆژەکە .
ئاماژەبەوەكراوە، بەو هۆیەوە بۆ ماوەی زیاتر لە ۲٤ سەعات دابەشکردنی ئاو لە زۆربەی گەڕەکەکانی شاری سلێمانی و تەواوی گەڕەکەکانی ناوچەی قڕگە و قەزاو ناحیەکانی شۆڕش و چەمچەماڵ و تەکیە و بازیان و گۆپاڵە و پیرەمەگروون دەوەستێت .
بەڕێوەبەرایەتی ئاوی سلێمانی راشگەیاندوو لەئێستادا تیمەکانی بەڕێوبەرایەتیمان سەرقاڵی چاکردنی بۆرییەکان، بۆ ئەوەی بەزووترین کات ئاو بگاتەوە بە هاوڵاتیان .