سهرۆكی حكومهت لهگهڵ برێت مهكگۆرك و وهزیری بهرگری ئهمریكا كۆبوهوه
03:22 - 20/11/2021
"زهمهن"
مهسرور بارزانی سەرۆکی حکومەتی هەرێمی کوردستان، لەگەڵ برێت مەکگورک و وهزیری بهرگری
ئهمریكا له مهنامهی پایتهختی بهحرهین كۆبوهوه.
ئەمڕۆ شەممە، مەسرور بارزانی لە شاری مەنامە، لە
گەڵ برێت مەکگورک ڕێکخهری کاروباری ڕۆژههڵاتی ناوهڕاست و باکوری ئەفریقا له کۆشکی
سپی کۆبووەوە.
نوسینگهی سهرۆكی حكومهت بڵاویكردهوه، لە دیدارەکەدا، گۆڕانکاری و پێشهاتەکانی ناوچەکە و بارودۆخی گشتیی عێراق
دوای هەڵبژاردنی ئەنجومەنی نوێنەران و پەیوەندییەکانی هەرێمی کوردستان و ئەمەریکا
تاوتوێ کرا. جەخت لە برەودان بە هەماهەنگیی و هاریکاری کراوهتهوه لە پێناو
ئارامی و سەقامگیربوونی دۆخی عێراق و ناوچەکە .
ههر ئهمڕۆ شەممە له ههمان شار، مەسرور بارزانی
لهگەڵ لۆید ئۆستن وەزیری بەرگری ئەمریکا کۆبوهتهوه.
لە کۆبوونەوەکەدا ، وەزیری بەرگری ئەمریکا ، جەختی لەوە کردەوە کە هەرێمی
کوردستان، هاوبەش و هاوپەیمانێکی گرنگی ویلایەتە یەکگرتووەکانی ئەمریکایە لە ناوچەکەدا
و دووپاتیشی کردەوە کە ئەمریکا، بەردەوام دەبێت لە پشتگيریکردنی هەرێمی کوردستان و
بەتایبەتی هێزی پێشمەرگە لە رووبەڕووبوونەوەی داعش. بهپێی
راگهیهندراوێكی نوسینگهی سهرۆكی حكومهت.
لایخۆیهوه، سەرۆکی حکومەتی هەرێمی کوردستان،
سوپاسی پشتیوانیی بەردەوامی ئەمریکای کردوه و جەختیشی لە گرنگی چارەسەرکردنی کێشەکانی
نێوان هەرێمی کوردستان و حکومەتی فیدراڵی و هەبوونی هەماهەنگیی ئەمنی لە ناوچە
کوردستانییەکانی دەرەوەی ئیدارەی هەرێم کردەوە .
دایەلۆگی ستراتیجی ئەمریکا و عێراق و گرنگیی جێبەجێکردنی
ڕێککەوتننامەی شنگال، تەوەرێکی دیکەی گفتوگۆکانی کۆبوونەوەکە بووه.