پشیلەیەكی چوار گوێچکە بووه‌ته جێی سه‌رنج
03:13 - 20/11/2021
126 جار خوێندراوەتەوە
"زه‌مه‌ن"
میداس ناوی ئەو پشیلەیەیە کە بە چوار گوێچکەوە
لەدایکبووە و بووەتە جێی سەرنجی بەکارھێنەرانی تۆڕە کۆمەڵایەتییەکان.
جانیس دۆشەمەجی خاوەنی پشیلەکە لە لێدوانێکیدا باسی
لەوە کرد کە مانگێک بەر لە ئێستا ھاوڕێکانی ئەم پشیلەیەیان دۆزیوەتەوە و لەو کاتەوە
تا ئێستا ئەم پشیلەیەی گرتووەتەخۆی و ناوی لێناوە میداس.
دۆشەمەجی وتی: لە تۆڕە کۆمەڵایەتییەکاندا میداس
ناوبانگێکی باشی پەیدا کردوە، لە ماوەی ھەفتەیەکدا ژمارەی فۆڵۆوەرەکانمان ١٩ ھەزار
و لە ماوەی چوار ھەفتەدا ٧٥ ھەزاری تێپەڕاند.
رەشاد نووری ئاسڵان دەربارەی ئەم حاڵەتەی میداس،
پزیشکی ڤێتەرنەری، رایگەیاند: لە لێکۆڵینەوەکانمدا ھیچ حاڵەتێکی ھاوشێوەی میداسم نەبینیوە.
جگە لە گوێچکەکانی ئێسکی چەناگەشی کەمێک لەدواوەیە و بەھۆی ئەوە بەردەوام زمانی دەردێنێت.
بەڵام ئەمە لە کاتی خواردندا کێشەی بۆ دروست ناکات.
وتیشی: ھەروەھا کلکیشی لە کلکی پشیلەیەکی ئاسایی
کورتترە. پێموایە پێکھاتەی مێشکیشی جیاوازە چونکە زۆر بایەخ بە دەوروبەری دەدات و
بەھیچ شێوەیەک حەزی لە میاواندن بە دەنگی بەرز نییە.