کوردستان

وەزیرانی دارایی و ئاوەدانکردنەوە لەگەڵ یەکێتی بەڵێندەران کۆبونەوە

09:07 - 27/09/2021 104 جار خوێندراوەتەوە

زەمەن - هەولێر

 رۆژی دوشەممە 27/9/2021، لە دیدارێکی هاوبەشدا، ئاوات شێخ جەناب، وەزیری دارایی و ئابوری و دانا عەبدولکەریم، وەزیری ئاوەدانکردنەوەو نیشتەجێکردن، لەگەڵ شاندێکی یەکێتی بەڵێندەرانی کوردستان کۆبونەوە.

ئامانج لە کۆبونەوەکە، گفتوگۆکردن بو سەبارەت بە داواکارییەکانیان و دابینکردنی شایستە داراییەکانی بەڵێندەران لە لایەن حکومەتی هەرێمی کوردستانەوە، لە بەرامبەر ئەو پڕۆژانەی لە هەرێمی کوردستان جێبەجێی دەکەن.

لەمڕوەوە وەزیرانی دارایی و ئاوەدانکردنەوە، وێرای تیشکخستنە سەر بارودۆخی ئابوری و دۆخی دارایی حکومەت و هەوڵدان بۆ دابینکردنی موچەو ئەنجامدانی پڕۆژەی خزمەتگوزاری بۆ هاوڵاتیان، جەختیان کردەوە لەسەر هەوڵەکانیان بۆ دابینکردنی شایستە داراییەکانی بەڵێندەران و پاڵپشتی و پشتیوانی خۆیان بۆ داواکارییەکانیان دوپات کردەوە.

هاوکات رزگار جەمال، سەرۆکی یەکێتی بەڵێندەران رۆڵی هەردو وەزیری دارایی و وەزیری ئاوەدانکردنەوەی لەماوەکانی رابردودا بەرزنرخاند کە خەمخۆر و پشتیوانیان بون و داواشیان کرد؛ دامودەزگاکانی حکومەت کارئاسانی زیاتر بۆ بەڵێندەران بکەن لەکارەکانیاندا.

هەر لە کۆبونەوەکەدا بڕیاردرا کە درێژە بە هەماهەنگی و کۆبونەوەکان بدرێت بەمەبەستی چارەسەرکردنی کێشەکانیان و جێبەجێکردنی داواکاریەکانیان.

سۆشیال میدیا

ڕۆژنامەی زەمەن

Advertisement