کوردستان

وه‌زاره‌تی ته‌ندروستی له‌سه‌ر "به‌ندكردنی" نه‌خۆشێك روونكردنه‌وه‌ ده‌دات

04:47 - 18/05/2021 210 جار خوێندراوەتەوە

زه‌مه‌ن_هه‌ولێر

وه‌زاره‌تی ته‌ندروستی حكومه‌تی هه‌رێم لیژنه‌یه‌كی پێكهێناوه‌ بۆ بەدواداچوونی وردەكاری كێشەی به‌ندكردنی نه‌خۆشێك له‌ نه‌خۆشخانه‌یه‌كی تایبه‌ت له‌ شاری هه‌ولێر.

ئیسرا محەممەد،  ژنێکى  تەمەن 25 ساڵانە و خەڵکی کەربەلایە و ئافرەتێکی تەمەن 25 ساڵانە و خەڵکی کەربەلایە و ئیستا لە نەخۆشخانەى پار "زیندانى" کراوە و دەڵێت، "ماوەی 40 رۆژ دەبێت کارگێڕی نەخۆشخانە پاسەوانیان بۆ داناوم و رێگەی چوونە دەرەوە لە ژوورەکەم لێ قەدەغەکراوە، هەروەها خواردنی نەخۆشخانەشم نادرێتێ و ناشهێڵن لەدەرەوە خواردنم بۆ بێت، چونکە ناتوانم پارەی نەخۆشخانە بدەمەوە".

دوابه‌دوای بڵاوبونه‌وه‌ی هه‌واڵه‌كه‌، وه‌زاره‌تی ته‌ندروستی له‌ رونكردنه‌وه‌یه‌كدا ئه‌مڕۆ سێشه‌ممه‌ رایگه‌یاند: لەسەر بڕیاری وەزیری تەندروستی، ليژنەكانی پشكنین و بەدواداچوون سەردانی ئەم نەخۆشەی كردووە و بەدواداچوونی وردەكاری كێشەكە بەردەوامە بۆ گەیشتن بە هۆکار یان هەر پێشێلکاریەکی مافی نەخۆش، لەهەر کەمتەرخەمی و سەرپێچیەک رێكاری پێویست دەگیرێتەبەر و رایگشتی لێ ئاگادار دەكرێتەوە.


ده‌قی روونكردنه‌وه‌كه‌:

روونكردنەوەیەك لە وەزارەتی تەندروستی
سەبارەت بە هەواڵی ئەو نەخۆشەی كە لە یەكێك لە نەخۆشخانە تایبەتەكان نەشتەرگەری بۆكراوە و ماوەیەكە لەژێر چارەسەر لە نەخۆشخانەكە ماوەتەوە گوایە لەبەر نەدانی پارەی چارەسەر رێگە نەدراوەبچێتە دەرەوە و كێشە بۆ نەخۆشەكە دروست کراوە، لەسەر بڕیاری بەڕێز وەزیری تەندروستی، ليژنەكانی پشكنین و بەدواداچوون سەردانی ئەم نەخۆشەی كردووە و بەدواداچوونی وردەكاری كێشەكە بەردەوامە بۆ گەیشتن بە هۆکار یان هەر پێشێلکاریەکی مافی نەخۆش، لەهەر کەمتەرخەمی و سەرپێچیەک رێكاری پێویست دەگیرێتەبەر و رایگشتی لێ ئاگادار دەكرێتەوە.

جارێکی تر بە پێویستی دەزانین کەوا هاوڵاتیان و دامودەزگاکانی راگەیاندن ئاگاداربکەینەوە کەوا دەتوانن بۆ هەر گلەیی و داواکاری و سکاڵا و پێشنیارێک وەزارەتی تەندروستی ئاگاداربکەنەوە لەڕێگەی سندوقەکانی سکاڵا لە هەر نەخۆشخانەیەک یان لەڕێگەی پەیوەندیکردن بە ژمارەی هێڵەکانی گەرم بۆ بەدواداچوون و پشکنین.

٠٧٥٠٨١٦٩٩٩١
٠٧٧١٤٤٤٨١٠٠
د. ئاسۆ حەوێزی
وتەبێژی وەزارەتی تەندروستی
١٨ ئایار ٢٠٢١

سۆشیال میدیا

ڕۆژنامەی زەمەن

Advertisement