کەلتور

وێنه‌ ڕژاوه‌كان

09:13 - 19/04/2021 211 جار خوێندراوەتەوە

رۆژ هەڵەبجەیی

(1)
له‌خه‌یاڵدانیا هه‌ڵده‌قوڵێت جۆگه‌له‌و ڕووبار،
له‌شه‌پقه‌ی‌ سه‌ریا،كه‌روێشكه‌ی‌ چیمه‌ن
لمی‌ بیابان
(2)
له‌به‌یانیدا قۆپچه‌كانی‌ سنگی‌ ئاوه‌ڵاده‌كا ،
بۆ نمه‌ی‌ خۆر..له‌ئێواره‌دا باڵی‌ ده‌پێچێ له‌پرسه‌
گوڵی‌ لاولاو
(3)
ناوقه‌دی‌ به‌لێزمه‌ی‌ گیا ده‌به‌سێت،
سه‌رپۆشی‌ سه‌ری‌ به‌چریكه‌ی‌ مه‌له‌كان
وه‌رزی‌ به‌هار
(4)
خه‌ریكی‌ گیانه‌ڵایه‌ له‌گیرفانی‌ ئێواره‌دا،
جانتاكه‌ی‌ پڕ ده‌كا له‌میمی‌ مردن
حه‌رفه‌كانی‌ زه‌رده‌په‌ڕ
(5)
خوێنی‌ ده‌به‌خشێته‌ گوڵاڵه‌ سوره‌،
خودی‌ خۆشی‌ ده‌چێته‌وه‌ مناڵانی‌ نیشتمان
جه‌سته‌ی‌ شه‌هید
(8)
ئاوێنه‌ نغرۆیه‌ له‌پێكه‌نینا،
كه‌بینی‌ هه‌موو ماكیاجه‌كانی‌ قووتدا
جانتای‌ كچێك
(9)
واجوانن به‌ستیانی‌ گه‌ڵا خۆیان  حه‌شارده‌ن،
نه‌ك له‌سه‌ر زومی‌ لقه‌كان(با) بكێشن
سركی‌ سێوه‌كان
(10)
ئاسمان ده‌خاته‌ گریان..
ته‌رمیشی‌ له‌كراسی‌ بژوێنا پێكه‌نین
دڵۆپه‌ی‌ باران
(11)
سه‌ری‌ سه‌رقاڵی‌  به‌باهۆز به‌ستووه‌،
قادرمه‌ی‌ قه‌دی‌ به‌زریان
دالی‌ دارستان
(13)
دوای‌ چێكردنی‌ پوره‌،
چلوره‌ی‌ چیاكان شیرین چوون
شانه‌ی‌ هه‌نگ

سۆشیال میدیا

ڕۆژنامەی زەمەن

Advertisement