شیعری خانمە شاعیرەکانی کورد بە فەڕەنسی بڵاودەبێتەوە
10:59 - 07/04/2021
94 جار خوێندراوەتەوە
کولتوری زەمەن
"شیعری ژنانی کورد" بە زمانی فەڕەنسی لە دەزگای ئارمەتان لە ژێر ناونیشانی Poèmes kurdes au féminin” بڵاوکرایەوە، شیعرەکان لەلایەن نوسەر و وەرگێری کورد د. ئەحمەدی مەلا کراون بە فەڕەنسی.
بەرهەمی ناوبراو شیعری ٣٠ ژنە شاعیری کوردستان لە خۆ دەگرێت، کە ئەحمەدی
مەلا کۆی کردوونەتەوە و تەرجەمەی سەر زمانی فەڕەنسی کردوون.
ئەم هەڵمەتە ئەدەبییە وەکو هێڵی هاوتەریب هاتۆتە پێشەوە لەپاڵ کچانی
رۆژئاوڤا کە بە دڵ و گیان بەرگرییان لە خاک و ئاوی خۆیان کرد.
نیکۆل بارییەر پێشەکی بۆ نووسیوە و ژێرار شالیان، گەورە نووسەری
فەڕەنسی دوا لاپەڕەی رازاندۆیەوە و زاری هونەرمەند دیزانی بەرگەکەی کێشاوە و لە
زنجیرە کتێبی " میللەتان، کەلتوور و ئەدەبی رۆژهەڵات" بڵاوبۆتەوە کە
نەزەند بەگیخانی بەڕێوەی دەبات.