کوردستان

كه‌شناسی واده‌ی شه‌پۆلێكی باران و سه‌رمای راگه‌یاند

09:37 - 16/01/2021 1262 جار خوێندراوەتەوە

زه‌مه‌ن_عێراق


ده‌سته‌ی كه‌شناسی و بومه‌له‌رزه‌زانی عێراق، پێشبینی شه‌پۆلێكی سه‌رمای توند ده‌كات له‌ سه‌رانسه‌ری عێراقدا.

 

مه‌حمود عه‌بدوله‌تیف، به‌رێوه‌به‌ری به‌شی ژینگه‌ له‌ ده‌سته‌ی كه‌شناسی عێراق رایگه‌یاند: به‌پێی پێشبینیه‌كان رۆژانی یه‌كشه‌ممه‌ و دووشه‌ممه‌، سێشه‌ممه‌، له‌ ناوچه‌كانی باكوردا بارانی مامناوه‌ند و لێزمه‌ باران ده‌بێت.

 

وتیشی: دوای ئه‌وه‌ش شەپۆلێکی توندی سه‌رما ده‌ستپێده‌كات كه‌ له‌ وه‌رزی باران بارینی ئه‌مساڵدا رووینه‌داوه‌ و سه‌رانسه‌ری عێراق ده‌گرێته‌وه‌.

 

ئه‌و به‌رپرسه‌ی كه‌شناسی عێراق، وتیشی: لە زۆربەی ناوچەکانی باکوری وڵات پلەکانی گەرما بۆ ژێر سفر دادەبەزێت، لەناوچەکانی باشوری عێراقیش شەپۆلێکی سەرمای سیبیری ناوچەکە دەگرێتەوە کە بارستەهەوایەکی ساردی لەگەڵدایە، لەگەڵ بایەکی سارد کە لەناوچەکانی باکورەوە هەڵیکردوە.

سۆشیال میدیا

ڕۆژنامەی زەمەن

Advertisement