جیهان.. ژمارەی حاڵەتەکانی چاکبوونەوە لە کۆرۆنا ٤٥ ملیۆنی تێپەڕاند
05:33 - 03/12/2020
118 جار خوێندراوەتەوە
"زەمەن"
بەپێی ئامارەکان، تا ئێستا
زیاتر لە ٤٥ ملیۆن تووشبووی کۆرۆنا لە جیهاندا چاکبوونەتەوە و پەتاکەیان تێپەڕاندووە.
بەپێی ئامارەکانی ماڵپەڕی "Worldometers" کە رۆژانە ئامارەکانی
کۆرۆنا نوێدەکاتەوە، تا ئێستا ٤٥ ملیۆن و ٤٣ هەزار و ٥٩٥ تووشبووی کۆرۆنا پەتاکەیان
تێپەڕاندووە.
ئەو چوار وڵاتەی جیهان
کە زۆرترین حاڵەتەکانی تووشبوونیان بە کۆرۆنا لێ تۆمارکراوە و لە هەمان کاتدا، زۆرترین
حاڵەتەکانی چاکبوونەوەشیان لێ تۆمار کراوە ریزبەندییەکانیان بەم شێوەیەیە:
هیندستان هەشت ملیۆن و
٩٧٣ هەزار و ٣٧٣، ئەمریکا هەشت ملیۆن و
٤٦٢ هەزار و ٤٣٤، بەڕازیل پێنج ملیۆن و
٦٩٨ هەزار و ٣٥٣ و رووسیا یەک ملیۆن و ٨٥٩
هەزار و ٨٥١.
لە سەرتاسەری جیهانیشدا،
١٨ ملیۆن و ٤٠٨ هەزار و ١٢٥ تووشبووی کۆرۆنا تا ئێستا چارەسەریان بەردەوامە.
ڤایرۆسی کۆرۆنا، لە
کانوونی یەکەمی ساڵی ٢٠١٩ لە شاری وهان رۆژهەڵاتی چین سەریهەڵدا و تا ئێستا بە زیاتر
لە ٢٠٠ وڵات و ناوچەدا بڵاوبووەتەوە.