هەشت سەرنج لەسەر پێشانگەی کتێبی نێودەوڵەتی سلێمانی
09:13 - 21/11/2020
125 جار خوێندراوەتەوە
پەیامنێری زەمەن
بە چاودێری د.هەڤاڵ ئەبوبەكر پارێزگاری سلێمانی، بە دروشمی (كتێب
هاوڕێی بەردەوامە) ماوەی چوار ڕۆژە، دووەمین خولی پێشانگەی کتێبی نێودەوڵەتی سلێمانی، بە بەشداریی زیاتر لە 350 كۆمپانیا و 15 وڵات و سەدان خانەی چاپ و بڵاوکردنەوەی کتێببەردەوامە و بڕیارە تا ٢٨ی ئەم مانگە پێشانگەکە بەردەوام بێت.
لە مەراسیمی دەستپێکی
پێشانگەكەدا ، پارێزگاری سلێمانی و كونسوڵی
ئێران، میسر، سوریا و هندستان و پارێزگاری هەڵەبجە، ئامادەی بوون.
لەم پێشانگەیەدا، کۆمەڵێ
دازگای وەشان و چاپ و بڵاوکردنەوەی کتێب، لە هەرێمی کوردستان و وڵاتانی عەرەبی و
تورکیا و ئێران بەشدارن، پەیامنێری زەمەن لە پێشانگەکەوە، ئەم سەرنج و
تێڕوانینانەی، لەسەر پێشانگەکە بۆ خوێنەران خستووەتە ڕوو:
یەکەم: لە ماوەی ئەم چوار
ڕۆژە جموجوڵێکی ڕۆشنبیریی فراوان لە نێوان خوێنەران و میدیاکاران و نووسەران و
هونەرمەندان لە پێشانگەکە بەدیددەکرێت.
دووەم: سەرەڕای تەنگەژەی
ئابووریی و سیاسی و نەخۆشی کۆرۆنا پێشانگەکە جمەی دێ لە خوێنەران و هەوادارانی
کتێب. کتێبفرۆشان و خانەکانی بەشداربووی پێشانگەکە دەڵێن، سەرەڕای ئەم بارودۆخە
قورسەی سەر شانی خەڵک، ڕێژەی بەشداریی و فرۆشی کتێب لە ئاستێکی بەرزدایە!
سێیەم: لەڕووی بەشداری
دەزگاکانی چاپەمەنی و ژمارەی کتێبی نوێ، لە زمانەکانی کوردی، عەرەبی، ئینگلزی،
فارسی، تورکی بوارە جیاوازەکانی ئەدەب، زانست، ئاینی، فەلسەفی، کۆمەڵایەتی.
پێشانگەکە دەوڵەمەند و فرە سەرچاوەیە.
چوارەم: لە رووی ڕێکخستنی
ستاند و بەشی کتێبخانە و خانەکانی چاپ و بڵاوکردنەوە ڕێکوپێک و ڕێکخراوە.
پێنج: چالاکی کۆڕ و سیمینار
بە زمانەکانی کوردی و عەرەبی بەردەوام هەیە و ئەمەش جموجوڵێکی ڕۆشنبیریی داوە بە
پێشانگەکە.
شەش: لەڕووی دارایی و جولەی
بازاڕەوە. تا ئەم ئێوارەیە (شەممە) نزیکەی ١٠٠ هەزار کەس هاتووەتە پێشانگەکە، لە
دەرەوەی سلێمانی. ئەمەش جموجوڵێکی ئابووریی و بازرگانی دەخاتە ناو شاری سلێمانییەوە.
حەوتەم: لەڕووی کافتریا و
چێشخانە و لایەنە خزمەتگوزارییەکانی ترەوە، لە ئاستێکی باشدایە. بەڵام دەبێت لە
ساڵانی داهاتوودا، قاوەخانەی زیاتر و براندە ناوخۆیی و جیهانییەکان زیاتر بەشداریی
پێشانگەکە بکەن.
هەشتەم: یەکێ لە خەوشەکانی
ئەم پێسانگەیە، بەشداری نەکردنی چاپخانەکان و ئەو دەزگایانەن، کە کتێب چاپ
دەکەن. ئاشناکردنی خوێنەران و هاوڵاتیان
بە هونەری چاپ و کەرەستە و بزنسی چاپ. ئەمە نەرێتە لە زۆرێ لە پێشانگەکانی کتێبی
نێودەوڵەتی بەشێ بۆ نمایشی چاپخانەکان دادەنێن و نووسەران و هاوڵاتیان سەردانی
دەکەن.