سه‌رۆكی حكومه‌ت په‌یامێكی بڵاوكرده‌وه
09:17 - 25/05/2020
726 جار خوێندراوەتەوە
"زه‌مه‌ن"
سه‌رۆكی
حكومه‌تی هه‌رێمی كوردستان رایده‌گه‌یه‌نێت، به‌یه‌كگرتویی و هاوهه‌ڵوێستی ده‌توانین
هه‌موو دۆخێك تێپه‌ڕێنین، ئاماژه به‌وه‌ش ده‌كات، پێویسته
به‌گیانێكی پێشمه‌رگانه و به یه‌كڕیزی خزمه‌تی نیشتیمانه‌كه‌مان بكه‌ین.
مه‌سرور بارزانی، سه‌رۆكی حكومه‌تی
هه‌رێمی كوردستان به بۆنه‌ی (44)ـه‌مین ساڵیادی شۆڕشی گوڵانه‌وه په‌یامێكی
پیرۆزبایی ئاراسته‌ی گه‌لی كوردستان و گشت به‌شداربووانی شۆڕشه‌كه كرد.
ده‌قی
په‌یامه‌كه‌ی سه‌رۆكی حكومه‌تی هه‌رێمی كوردستان:
لە (44) مین ساڵیادی شۆڕشی گوڵانەوە، پیرۆزبایی لە گەلی
کوردستان و گشت بەشداربووانی ئەم شۆڕشە دەکەم و ، بە رێز و پێزانینێکی زۆرەوە یادی
ئەو پێشمەرگە قارەمانانە دەکەینەوە کە بەردەوام بوون لە خەبات و تێکۆشان لە پێناو
مافە رەواکانی گەلی کوردستان.
شۆڕشی گوڵان کە درێژەپێدەری شۆڕشی مەزنی ئەیلوول بوو ،
سەرەنجام بە هاوکاری و یەکڕیزی هەموو لایەنە کوردستانییەکان و پێکهاتەکانەوە،
بەرهەمەکەی سەرهەڵدانی گەلی کوردستان لە بەهاری 1991 و دروستبوونی پەرلەمان و
حکومەتی هەرێمی کوردستان بوو.
شۆڕشی گوڵان سەلمێنەری ئەو راستییە بوو، کە خواست و
ئیرادەی میللەتەکەمان لە هەموو پیلانێک بەهێزترە و، بە یەکگرتوویی و هاوهەڵوێستی
خەڵکی کوردستان، دەتوانین هەموو دۆخێکی سەخت تێپەڕێنین. پێویستە لەم دۆخەی
ئێستاشدا، بەگیانێکی پێشمەرگانە و بە یەکڕیزی و تەباییەوە، خزمەتی نیشتمانەکەمان
بکەین و، بەم رێگەیەشەوە دەتوانین بەسەر هەموو ئاستەنگ و سەختیيەکاندا سەربکەوین.
سەری رێز و نەوازش بۆ شەهیدانی شۆڕشی گوڵان و سەرجەم
شەهیدانی کوردستان .
مەسرور بارزانی
2020/5/25