فڕۆکەیەکى جەنگى ئەمریکا کەوتە خوارەوە
05:23 - 22/05/2020
"زەمەن"
فڕۆكه‌یه‌كی جه‌نگی جۆری F-35A سه‌ربه هێزه
ئاسمانییه‌كانی ئه‌مریكا له ویلایەتی فلۆریدا باشووری ئەو وڵاتە، كه‌وته خواره‌وه.
بنكه‌ی ئاسمانی ئێگلین له ویلایەتی فلۆریدا بڵاویکردەوە، فڕۆكه‌كه كه سه‌ربه
پۆلی فڕۆكه‌وانی ٥٨ه له میانی ئه‌نجامدانی فڕینێكی رۆتیندا ده‌ورووبه‌ری كاتژمێر
٢١:٣٠ له كاتێكدا ده‌یه‌ویست بنیشێته‌وه كه‌وته خواره‌وه.
ئاماژە بەوەشکراوە كه فڕۆكه‌وانه‌كه له رێگای ته‌كنیكی فڕاندنی كورسییه‌وه
رزگاری بووه و لێكۆڵینه‌وه‌ش له رووداوه‌كه ده‌ستی پێ كردووه.
هه‌فته‌ی رابردووش فڕۆكه‌یه‌كی جه‌نگی جۆری F-22 Raptor دوای كه‌مێك له فڕینی كه‌وتبووه خواره‌وه.