هەواڵ

فەڕەنسییەکان داواى هەڵوەشاندنەوەى یارییەکى توپى پێى وڵاتەکەیان لەگەڵ تورکیا دەکەن

03:43 - 14/10/2019 269 جار خوێندراوەتەوە

"زەمەن"

فەڕەنسییەکان داوا دەکەن یاریی ئەمشەوی هەڵبژاردەکەیان لە پاڵاوتنەکانی یۆرۆی 2020 بەرامبەر تورکیا هەڵبوەشێنرێتەوە، ئامادەنین پێشوازییان لێبکەن و دەڵێن پێشوازیی لە کەسانێک ناکەین کە هاوپەیمانەکانمان لەناو ببەن.

فەڕەنسییەکان لە تۆڕى کۆمەڵایەتى تویتەر، بە هاشتاگی #AnnulationMatchFranceTurquie  دەستیان بە هەڵمەتێک کردووە و داوا دەکەن یاریی ئەمشەوی هەڵبژاردەى وڵاتەکەیان بەرامبەر هەڵبژاردەى تورکیا نەکرێت، کە بڕیارە ئەمشە و کاتژمێر  09:45  یارییەکەى لە پاریش ئەنجامبدرێت لە میانى یارییەکانى پاڵاوتنەکانی یۆرۆی 2020 .

لاى خۆشییەوە، جان کریستۆف لاگارد، کە کەسێکى سیاسى بەناوبانگی فڕەنسییە لە تویتەر داوایکردووە یارییەکەی ئەمشەوی فەڕەنسا و تورکیا هەڵبوەشێنرێتەوە.

 

ئەو هەڵمەتەى فەڕەنسییەکان دوای ئەو سڵاوە سەربازییەی یاریزانانی تورکیا هات کە دوای بردنەوەیان لە ئەلبانیا ئاڕاستەی سوپای وڵاتەکەیان کرد.

سۆشیال میدیا

ڕۆژنامەی زەمەن