عەبدولڕەحمان بەهۆی هەورەبرووسکەوە گیانی لەدەستدا
11:20 - 05/04/2026
زهمهن – ههواڵ
گەنجێکی 22 ساڵان
لە کاتی خۆپاراستنی لە باران لە سنووری شارۆچکەی هەریر، بەهۆی بەرکوتنی هەورەبرووسکە
گیانی لەدەستدا.
گەنجەکە ناوی عەبدولڕەحمان
لوقمانە و تەمەنی 22 ساڵ بووە. ناوبراو خوێندکاری زانکۆ و دانیشتووی گوندی ناوشیوانی
سەروو بووە لە سنووری شارۆچکەی هەریر. ڕووداوەکە شەوی ڕابردوو لە کاتی شەپۆلی
بارانبارین و هەورەبرووسکەدا لەو ناوچەیە ڕوویداوە.
عەبدولڕەحمان لە
کاتی ڕووداوەکەدا لەگەڵ ئامۆزایەکی لە ناو خێمەیەکدا بوون بە مەبەستی خۆپاراستن لە
باران و هەورەبرووسکە. بەپێی زانیارییەکان، هەورەبرووسکەکە ڕاستەوخۆ لە خێمەکەی
داوە و بەر عەبدولڕەحمان کەوتووە، لە کاتێکدا ئامۆزاکەی بە سەلامەتی لە ڕووداوەکە ڕزگاری
بووە و زیانی پێنەگەیشتووە.
بەشی فریاکەوتنی
هەریر ڕایگەیاندووە کە کاتژمێر 3:45 خولەکی بەرەبەیانی ئەمڕۆ، گەنجەکە گەیێندراوەتە
بنکەکەیان بە مەبەستی ڕزگارکردنی. بەڵام بەهۆی توندی بەرکەوتنی هەورەبرووسکەکە، گەنجەکە
دەستبەجێ گیانی لەدەستداوە و هەوڵە پزیشکییەکان سوودیان نەبووە. دوای تەواوکردنی ڕێکارە
یاساییەکان، تەرمەکەی ڕادەستی خێزانەکەی کراوەتەوە.