بافڵ تاڵەبانی: ئامانجی ئێمە بنیادنانی هێزێکی یەکگرتووی راهێنراوی بەهێزە
08:41 - 07/08/2025
زەمەن
پرێس:
سەرۆکی
یەکێتی رایدەگەیەنێت، ، ئامانجی ئێمە بنیادنانی هێزێکی یەکگرتوو، راهێنراو و تۆکمە
و بەهێزە بۆ کوردستانەکەمان.
بافڵ تاڵەبانی
سەرۆکی یەکێتى لەگەڵ هێزەکانى ٧٠ی حزبەکەی کۆبووەوە و سوپاسی هێزەکانی 70ـی کرد کە
قەڵای پتەوی پاراستنی کوردستانن و وتی، ئێمە هەمیشە قەرزداری رۆڵ و پێگە و
قوربانییە بەردەوامەکانی هێزەکانی پێشمەرگەی کوردستانین و مافیان بەسەر
هەموولایەکدا هەیە کە باشتر هەوڵبدەین شانبەشانی پڕچەککردنیان ژیان و گوزەرانیان
باشتر بکەین.
سەبارەت
بە هەنگاوەکانی یەکخستنەوەی هێزەکانی پێشمەرگە، بافڵ تاڵەبانی پابەندبوونی حزبەکەی
بە خێراترکردنی هەنگاوەکانی ئەم پرۆسە نیشتمانییە دووپاتکردەوە و رایگەیاند،
ئامانجی ئێمە بنیادنانی هێزێکی یەکگرتوو، راهێنراو و تۆکمە و بەهێزە بۆ
کوردستانەکەمان.
هاوکات
سەرۆکی یەکێتی رایسپاردن پەیوەندییەکانیان لەگەڵ هێزە ئەمنییەکانی دیکەی هەرێمی
کوردستان و عیراق فراوانتر بکەن و ئاستی هاریکارییەکانیان بەرزتر بکەنەوە و
ئاماژەی بەوەشکرد، ئەو هەماهەنگییەی هەیە بووەتە مایەی پاراستنی ئاسایش و ئارامی
لە ناوچەکە و ئەو سنوورانەی بۆشایی ئەمنییان تێدایە دەبێت لەگەڵ هێزە ئەمنییەکانی
عیراق بەردەوام لەسەر هێڵ بن بۆ پاراستنی و هیچ دەرفەتێک بۆ تیرۆریستان نەهێڵنەوە.