رێژەی بەستنی پێوەری ئاو گەیشتووەتە 82%
10:23 - 02/06/2023
زه‌مه‌ن – هه‌ولێر
بڕیاری لێخۆشبوونی
كرێی بەستنی پێوەر تا 20 رۆژی دیكە بەردەوام دەبێ و رێژەی بەستنی پێوەری ئاو گەیشتووەتە
82% .
وەزارەتی شارەوانی
و گەشتوگوزار بڵاویكرده‌وه كه لەبەر بەرژەوەندیی گشتی ئەو هاوبەشانەی كە پێوەری
ئاویان نەبەستووە، بڕیاریدا بە لێخۆشبوون لە بەشێكی زۆری كرێی بەستنی پێوەر و ئێستا
رێژەی بەستنی پێوەر گەیشتووەتە 82% و بڕیارەكەش تا 21/6/2023 بەردەوام دەبێت.
بەپێی ئامارێكی
بەڕێوەبەرایەتیی گشتیی ئاو و ئاوەڕۆی وەزارەتی شارەوانی و گەشتوگوزار ژمارەی هاوبەشانی
ئاو لە هەرێمی كوردستان بریتییە لە 1,030,408 هاوبەش و ژمارەی ئەو هاوبەشانەی پێوەریان
بەستووە بریتییە لە 850,330 هاوش، بە گشتی رێژەی بەستنی پێوەر تا ئێستا گەیشتووەتە
82% و بڕیاری لێخۆشبوونیش تا 20 رۆژی دیكە لە سەرجەم شار و شارۆچكەكانی هەرێمی
كوردستان بەردەوام دەبێت.
وەزارەتی شارەوانی
و گەشتوگوزار راشیگەیاند، کرێی بەستنی پێوەر لە سەنتەری پارێزگاکان بۆ 20 هەزار دینار
داشكێنراوە و لە قەزا و ناحیە و کۆمەڵگەکان
و ئەو شوێنانەی كە پێویستە پیوەری لێ ببەسترێت بۆ 10 هەزار دینار داشكێنراوە.
فەرمانگە و بەڕێوەبەرایەتییەكانی
ئاو داوا لەو هاوبەشانەی ئاو دەكەن كە پێوەریان نییە، هەتا دەرفەت ماوە سەردانیان
بكەن و مامەڵەی لێخۆشبوون لە كرێی بەستنی پێوەر بكەن.