ئەنجومەنى پارێزگاى هەولێر متمانەى بە قایمقامی نوێی کۆیە بەخشى
12:00 - 22/11/2021
زەمەن_هەولێر
ئەنجومەنى پارێزگاى هەولێر دەنگى بە قایمقامی نوێی قەزاى کۆیەدا و بە دەنگى
٢٤ ئەندامى ئەنجومەنەکە متمانەى وەرگرت.
ئەمڕۆ دووشەممە، ئەنجومەنى پارێزگاى هەولێر کۆبوونەوەی ئاسایی ژمارە (٩٤) ى
ئەنجامدا و (تاریق جەلال حسێن ) بە (۲٤) دەنگی ئەندامى ئەنجومەن
بە قائیمقامی قەزای کۆیە هەڵبژێردرا.
بەپێى
راگەیەنراوى ئەنجومەن، لە تەوەرێکى دیکەى کۆبوونەوەکە، گفتو گۆ لەسەر
راپۆرتى لێژنەی پیشەسازی و بازرگانی و ووزە کرا چەند خالێك پێشکەشی لێژنەی ناوبراو
کرا تاکو بەدواداچوون بکەن بۆ کێشەکان و چارەسەرکردنی بەزووترین کات .
لە تەوەرێکى
دیکەدا، بە ئامادەبوونی لێژنەی ناوخۆ خوێندنەوەی راپۆرت و کۆمێنتی ئەندامانی ئەنجومەن
گفتو گۆی لەسەر کرا چەند خالێك پێشکەشی لێژنەی ناوبراو کرا تاکو بەدواداچوون بکەن
بۆ کێشەکان و چارەسەرکردنی بەزووترین کات .