كەشناسی: ئەمشەو لە سلێمانی، هەڵەبجە، گەرمیان باران بارین دەستپێدەكات
09:49 - 21/11/2021
"زەمەن"
بەڕێوەبەرایەتی كەشناسی و بولەمەرزەزانی هەرێمی كوردستان، پێشبینی دەكات ئەمشەو لە سلێمانی، هەڵەبجە، گەرمیان بەشێوەی مامناوەند باران ببارێت.
كەشناسی هەرێم ئەمشەو هەندێك زانیاری لەسەر كەشوهەوای بڵاوكردەوەو رایگەیاند: کەشی ئێستای هەرێمی کوردستان ئاسمانی هەرێم بە گشتی لە نێوان پەڵە هەور و نیمچە هەوردایەو خێرایی با لە زۆربەی ناوچەکان لاوازە.
ئاماژەی بەوەكردووە، پێشبینیدەکرێت بۆ ئەمشەو باران بارین لە ناوچەکانی ئیدارەی گەرمیان و پارێزگای سلێمانی و هەڵەبجە بە شێوەی لەسەرخۆ بۆ مامناوەند دەستپێبکات و باران بارینەکە بۆ بەیانی لە پارێزگای هەڵەبجە زیاتر دەبێت.
سەبارەت بە پارێزگای هەولێر دەڵێت "لە ناوچە شاخاویەکانی نمە باران دەبێت".