قایمقامیەتی سلێمانی کافتریاکەی ئاکۆ چکۆلى داخست
01:59 - 21/11/2021
زەمەن_سلێمانى
قايمقامیەتی سلێمانی،
بەهۆی پابەندنەبوون بەمەرج و رێنماییەکانی کارکردن، كافترياى ئاکۆ چکۆل کافێ2ی لە
شەقامی سالم داخست.
ئەمرۆ یەکشەممە قایمقامیەتی
سلێمانی ڕایگەیاند، بەهۆی پابەندنەبون بەمەرج و رێنماییەکانی کارکردن، لیژنە هاوبەشەکانی
قایمقامیەتی سلێمانی ئاکۆ چکۆل کافێ2ی لە شەقامی سالم (سەهۆڵەکە)ى داخست.
ئاماژە بەوەکراوە،
یەکێکی دیکە لە سەرپێچییەکانی ئاکۆ چکۆل کافێ2 پابەندنەبونییەتی بە رێنماییەکانی گەشتیاری
و نەبونی مۆڵەتی کارکردن، بۆیە بەفەرمانی قائیمقامی سلێمانی دادەخرێت و خاوەنەکەشی
روبەڕوی رێکاری یاسایی دەکاتەوە.
ئاکۆ چکۆل، ناوێکی
دیاری نێو سۆشیال میدیایە و بەهۆی تۆمارکردن و بڵاوکردنەوەی کورتە ڤیدیۆ و کاری کۆمیدی
هەوادارى خۆى هەیە و جگە لەو کارە سەرقاڵی بەڕێوەبردن و کارکردنە لە چەند کافێ و
شوێنێک.